అమ్మ కడుపు నుంచి బయటికి వచ్చిన శిశువు.. ఏడవకుండా.. ఏం చేసిందంటే?
అమ్మ కడుపు నుంచి బయటికి వచ్చిన శిశువు ఏడుపును తప్ప మరొకటి ఎరుగదు. అలాంటిది బ్రెజిల్‌లో అప్పుడే పుట్టిన ఓ శిశువు ఆస్పత్రిలో ఏడ్వకుండా డాక్టర్లను కోపంగా చూసింది. దీనికి సంబంధించిన ఫోటో ప్రస్తుతం నెట్టింట వైరల్ అవుతోంది. వివరాల్లోకి వెళితే.. బ్రెజిల్‌లోని రియోడీ జెనెరియోలో ఓ ఆసక్తికర ఘటన చోటుచేసుకుంది. తల్లి కడుపులోంచి బయటకు వచ్చిన ఓ శిశువు తనకు కనపడిన డాక్టర్లను కోపంగా చూసిన ఫోటో నెట్టింటిని షేక్ చేస్తోంది.
ఓ మహిళకు వైద్యులు కాన్పు చేశారు. శిశువును బయటికి తీసి.. బొడ్డుతాడును కత్తిరించే సమయంలో ఆ శిశువు ముఖంలో కనబడిన హావభావాలకు వైద్యులే షాకయ్యారు. ఓ నర్సు ఈ ఫోటోను తీసి సామాజిక మాధ్యమాల్లో పోస్ట్ చేయడంతో వైరల్ అవుతోంది.
ఈ శిశువు పుట్టగానే ఏడవకుండానే.. వైద్యులను కోపంగా చూసిందని చెప్పింది. ఇంకా వైద్యులు ఎంత ఏడ్పించడానికి ప్రయత్నించినా.. నన్నెవ్వరూ ఏడిపించలేరని కంటి చూపుతో చంపేశాడని.. నర్సు ట్వీట్ చేశారు. ప్రస్తుతం ఆ శిశువు ఆరోగ్యం మెరుగ్గా వుందని నర్సు తెలిపింది.
