సార్.. సీపీ గారు పోలీస్ కానిస్టేబుల్ అంటే పిల్లని ఇవ్వడం లేదు..అందుకే నా రాజీనామా
పోలీస్ అని చెబితే పెళ్లి సంబంధాలు రావడం లేదని, ఒక వేళ వచ్చినా చివరి నివిషంలో చెడిపోతున్నాయని చార్మినార్ పోలీస్ స్టేషన్‌లో కానిస్టేబుల్‌గా పనిచేస్తున్న ప్రతాప్ తన ఉద్యోగానికి రాజీనామా చేసి, తన రాజీనామా లేఖను హైదరాబాద్ సీపీ అంజనీకుమార్‌కు పంపించారు.
"సార్ నా కోసం ఇంట్లో పెళ్లి సంబంధాలు చూస్తున్నారని అందులో భాగంగా ఇటీవల ఓ పెళ్లి చూపులకు వెళ్లగా, పోలీసులకు పనిగంటలు ఎక్కువ 24 గంటలూ డ్యూటీలోనే ఉండాలని ఆ అమ్మాయి సంబంధం తిరస్కరించిందని, దాంతో పెళ్లి సంబంధాలు కుదరడం లేదని ఆ లేఖలో వాపోయాడు. కానిస్టేబుల్ ప్రతాప్ రాసిన లేఖ ఇప్పుడ సోషల్ మీడియాలో వైరల్‌గా మారింది.
ప్రతాప్ రాసిన లేఖలో ఏముందంటే.. 'సార్.. ఇంజనీరింగ్ చదువుకున్న తాను పోలీస్ డిపార్ట్‌మెంట్‌పై ఉన్న ఇష్టంతో కానిస్టేబుల్ అయ్యానని.. కానీ కానిస్టేబుల్ ఉద్యోగం అంటే వివాహాం చేసుకోవడానికి ఎవరూ ముందుకు రావడం లేదని అంతేకాదు, పోలీస్ కానిస్టేబుల్‌గా విధులు నిర్వహిస్తున్నవారికి సర్వీస్ రూల్స్ ప్రకారం ప్రమోషన్స్ లభించడం లేదన్నారు. 20 ఏళ్లు పనిచేసినా కానిస్టేబుల్, హెడ్ కానిస్టేబుల్‌గానే ఉండిపోవాల్సి వస్తోందని తన ఆవేదన వ్య క్తం చేశాడు.
