అనకాపల్లి ఘటన.. పెళ్లై ఆరు నెలలు.. ఆమె నాలుగు నెలల గర్భవతి
అనకాపల్లి జిల్లా అచ్యుతాపురం సెజ్‌లోని ఎస్సైన్షియా అడ్వాన్స్‌డ్ సైన్సెస్ ప్రైవేట్ లిమిటెడ్‌లో జరిగిన ఘోర అగ్నిప్రమాదంలో తమ ఆత్మీయులను కోల్పోయిన కుటుంబాల్లో విషాద ఛాయలు అలుముకున్నాయి.
బుధవారం నాడు 17 మంది ప్రాణాలను బలిగొన్న పెను ప్రమాదం, గురువారం తమ బంధువుల మృతదేహాలను స్వీకరించేందుకు విశాఖపట్నంలోని కింగ్ జార్జ్ ఆసుపత్రి (కెజిహెచ్) వద్ద గుమిగూడిన కుటుంబాల్లో తీవ్ర విషాదం నెలకొంది.
రోదిస్తున్న కుటుంబాల్లో నాలుగు నెలల గర్భిణి అయిన నీలాదేవి అనే యువతి కూడా ఉంది. ఈ ప్రమాదంలో ఆమె తన భర్త చిరంజీవిని కోల్పోయింది. ఈ సందర్భంగా ఆమె మాట్లాడుతూ.. "మాకు కేవలం ఆరు నెలల క్రితమే వివాహం జరిగింది, నేను నాలుగు నెలల గర్భవతిని" అని ఆమె దుఃఖంతో వణుకుతున్న స్వరంతో చెప్పింది.
''నా భర్త మరణవార్త విని చాలా బాధపడ్డాను. అతను లేకుండా భవిష్యత్తును ఎలా ఎదుర్కోవాలో, ఏమి చేయాలో నాకు తెలియదు" అని రోదించింది. అనకాపల్లి జిల్లా దార్లపూడికి చెందిన చిరంజీవి (24) 2023 నవంబర్ నుంచి యూనిట్‌లో ఫిట్టర్‌గా పనిచేశాడు.
