దక్షిణాఫ్రికా ఫస్ట్ క్లాస్ క్రికెటర్‌కు కరోనా.. క్రికెటర్లు షాక్
దక్షిణాఫ్రికా ఫస్ట్ క్లాస్ క్రికెటర్ అయిన సోలో నిక్వెనీ కరోనా వైరస్ బారిన పడ్డాడు. నిక్వెనీ 2012లో దక్షిణాఫ్రికా అండర్‌-19 టీమ్‌కు ప్రాతినిధ్యం వహించాడు. గతంలో ఈస్ట్రెన్‌ ప్రావిన్స్‌, వారియర్స్‌ ప్రాంచైజీలతో ఒప్పందం కుదుర్చుకుని ఉన్నాడు. ప్రస్తుతం నిక్వెనీ అడేర్బీర్ షైర్ క్లబ్ తరఫున ఆడుతున్నాడు.
ఈ నేపథ్యంలో ఇప్పటికే 'గులైన్ బారే సిండ్రోమ్(జీబీఎస్‌)' అనే నరాల సంబంధిత వ్యాధితో బాధపడుతున్న సోలోకి లేటెస్ట్‌గా కరోనా పాజిటివ్ అని తేలింది. శ్వాస తీసుకోవడంలో ఇబ్బందిగా వుండటంతో నిక్వెనీ పరీక్షలు చేయించుకున్నారు.
ఈ క్రమంలోనే నిక్వెనీకి కరోనా పాజిటివ్ ఉన్నట్లు పరీక్షల్లో వచ్చింది. దీంతో కరోనా బారిన పడ్డ మూడో క్రికెటర్గా సోలో నిలిచాడు. అంతకు ముందు పాకిస్తాన్ క్రికెటర్ జాఫర్ సర్ఫరాజ్, స్కాట్లాండ్ క్రికెటర్ మజిద్ హక్‌కు కరోనా వచ్చింది.
ఇకపోతే.. కరోనా ప్రపంచవ్యాప్తంగా జరగాల్సిన ఈవెంట్లను ఇప్పటికే ఆపేసింది. ప్రపంచదేశాలను వణికిస్తున్న ఈ మహమ్మారి లేటెస్ట్‌గా నిక్వెనీకి సోకింది. దీంతో క్రికెట్ ప్రపంచం షాక్ అయ్యింది.
