ఈ వేలిని చూసి గుండెపోటు వస్తుందో రాదో చెప్పొచ్చట..?

ఇటీవలే ఓ పరిశోధనలో చేతి వేళ్లను చూసి వారికి గుండె జబ్బులు వస్తాయో, రావో అన్న విషయాన్ని తెలియజేశారు. యూనివర్సిటీ ఆఫ్ లివర్‌పూల్‌కు చెందిన బయోలాజికల్ సైంటిస్టులు గుండె పోటు వచ్చిన 151 మంది పైన పరిశోధన చేశారు. ఈ 151 మందికి చేసిన చికిత్సలో ఎలాంటి ఫలితాలు వచ్చాయో తెలుసుకుందాం..

1. ఎవరికైతే ఉంగరం వేలి కంటే చూపుడు వేలు పొడవుగా ఉందో.. వారికి గుండెపోటు వచ్చే అవకాశాలు చాలా ఎక్కువగా ఉన్నాయని వెల్లడించారు. అంతేకాదు.. వయసు కూడా 35 నుండి 80 సంవత్సరాలు గలవారికి ఈ సమస్య ఎక్కువగా ఉందని అధ్యయనంలో తేల్చి చెప్పారు.

2. చూపుడు వేలు, ఉంగరం వేలు రెండు సమానంగా ఉన్నవారికి గుండెపోటు రావడం చాలా కష్టమని కూడా వెల్లడించారు. అయినా చేతివేళ్లు ఎలా ఉన్నప్పటికీ గుండె రోగాలు వచ్చేందుకు రకరకాల కారణాలు ఉన్నాయని చెప్తున్నారు.

3. స్థూలకాయం ఉన్నవారు, ఒత్తిడి అధికం, జంక్‌ఫుడ్స్ ఎక్కువగా తినేవారికి గుండె పోటు ప్రమాదం ఎక్కువగా ఉంది. కనుక వీలైనంత వరకు ఈ సమస్యల నుండి ఎలా విముక్తి చెందాలో చూసుకోవాలి. 

4. పొగ తాగేవారు, మద్యం సేవించేవారు, డయాబెటిస్, హైబీపీ, కొలెస్ట్రాల్ సమస్యలు ఉన్నవారి వీటిని ఎలా తగ్గించుకోవాలో తెలుసుకుంటే.. గుండె సంబంధిత వ్యాధులు వచ్చే అవకాశాలన్నింటిని తగ్గించుకోవచ్చును.