మూడు ప్రాణాలు తీసిన మాదక ద్రవ్యాల మత్తు... పెన్సిల్వేనియాలో విషాదం
అమెరికాలోని పెన్సిల్వేనియా రాష్ట్రంలో విషాదం చోటుచేసుకుంది. హెరాయిన్‌ను అతిగా తీసుకోవడం వల్ల దంపతులతో పాటు వారి బిడ్డ కూడా ప్రాణాలు కోల్పోయింది. ఈ మరణాలు సంభించిన వారం రోజుల తర్వాత ఈ విషయం వెలుగులోకి
అమెరికాలోని పెన్సిల్వేనియా రాష్ట్రంలో విషాదం చోటుచేసుకుంది. హెరాయిన్‌ను అతిగా తీసుకోవడం వల్ల దంపతులతో పాటు వారి బిడ్డ కూడా ప్రాణాలు కోల్పోయింది. ఈ మరణాలు సంభించిన వారం రోజుల తర్వాత ఈ విషయం వెలుగులోకి వచ్చింది. ఈ వివరాలను పరిశీలిస్తే...
పెన్సిల్వేనియాలోని పిట్స్‌బర్గ్‌కు దాదాపు 60 మైళ్ల దూరంలోని జాన్స్‌టౌన్‌ అనే పట్టణానికి చెందిన జాసన్ ఛాంబర్స్‌(27), చెల్సియా కార్డారో(19) అనే దంపతులు ఉన్నారు. వీరికి ఐదునెలల చిన్నారి సమ్మర్‌ చాంబర్స్‌లు ఉంది.
అయితే, జాసన్ దంపతులకు హెరాయిన్ తీసుకునే అలవాటు ఉంది. అయితే, వీరిద్దరు తమ ఎంజాయ్‌మెంట్ కోసం మోతాదుకు మించి తీసుకున్నారు. ఈ కారణంతో వీరు నివసించే ఇంటి మొదటి అంతస్తులో భర్త చాంబర్స్‌ మృతి చెంది ఉండగా.. రెండో అంతస్తులోని బాత్‌రూమ్‌లో చెల్సియా మృతి చెందారు.
వీరిద్దరు చనిపోయి వారంరోజుల తర్వాత ఇంటి నుంచి దుర్వాసన రావడంతో పక్కింటి వారు పోలీసులకు సమాచారం చేరవేశారు. దీంతో వారువచ్చి... ఇంటిని పరిశీలించగా రెండు మృతదేహాలను కనుగొన్నారు. ఆ తర్వాత మరో పడక గదిని తనిఖీ చేయగా, అందులో ఉన్న ఉయ్యాలలోనే ఐదేళ్ళ చిన్నారి మృతదేహం కనిపించింది. చిన్నారి చెల్సియాకు ఆలనపాలన లేకపోవడంతోనే మృతి చెందివుంటుందని పోలీసులు భావిస్తున్నారు.
స్థానికంగా ఈ ఘటన ప్రతి ఒక్కరినీ కదిలించింది. ఈ కుటుంబం ఇటీవలే న్యూయార్క్‌ నుంచి పెన్సిల్వేనియాకు వలస వచ్చింది. గతంలో జాసన్ ఛాంబర్స్‌ హెరాయిన్ అధికంగా వాడటంతో అతనికి విరుగుడు కోసం నార్కాన్‌ అనే మందును కూడా వాడించారు.
