ఇరాక్‌కు డోనాల్డ్ ట్రంప్ ఊరట.. ముస్లిం దేశాల వలసలపై మార్పులతో నిషేధం
అమెరికా అధ్యక్షుడు డోనాల్డ్ ట్రంప్ ఇరాక్‌కు స్వల్ప ఊరటనిచ్చారు. అధ్యక్ష పగ్గాలు చేపట్టగానే ఏడు ముస్లిం దేశాల నుంచి వలసలను నిషేధిస్తూ వివాదాస్పద ఉత్తర్వులు జారీ చేసి ఇంటాబయట విమర్శలు కొనితెచ్చుకున్నారు
అమెరికా అధ్యక్షుడు డోనాల్డ్ ట్రంప్ ఇరాక్‌కు స్వల్ప ఊరటనిచ్చారు. అధ్యక్ష పగ్గాలు చేపట్టగానే ఏడు ముస్లిం దేశాల నుంచి వలసలను నిషేధిస్తూ వివాదాస్పద ఉత్తర్వులు జారీ చేసి ఇంటాబయట విమర్శలు కొనితెచ్చుకున్నారు. కోర్టులతోనూ మొట్టికాయలు వేయించుకున్నారు. అయినా ఏమాత్రం పట్టించుకోని ట్రంప్ పాత ఆదేశాలకు కొద్దిపాటి మార్పులు చేసి కొత్తగా కార్యనిర్వాహక (ఎగ్జిక్యూటివ్ ఆర్డర్స్) ఆదేశాలు జారీ చేశారు.
ఈ తాజా ఆదేశాల మేరకు... గతంలో ఏడు ముస్లిం మెజారిటీ దేశాలపై నిషేధం విధించగా ఈసారి ఆ జాబితా నుంచి ఇరాక్‌ను మినహాయించి సిరియా, ఇరాన్, లిబియా, సోమాలియా, సూడాన్, యెమన్ దేశాలకు పరిమితం చేశారు. తాజా ఆదేశం ప్రకారం ఈ ఆరు దేశాల నుంచి మూడు నెలలపాటు వలసలపై నిషేధం ఉంటుంది.
అలాగే శరణార్థులను కూడా 120 రోజులపాటు దేశంలోకి అనుమతించరు. అయితే అనుమతి పొందిన వారికి మాత్రం కొన్ని షరతులతో మినహాయింపు ఇస్తారు. గా వలసల నిషేధ దేశం నుంచి తమను మినహాయించడంపై ఇరాక్ హర్షం వ్యక్తం చేసింది. ట్రంప్ తాజా ఆదేశం ఈనెల 16 నుంచి అమల్లోకి రానుంది.
