పిక్నిక్ స్పాట్‌గా మారిన సిమీ ఉగ్రవాదుల ఎన్కౌంటర్ ప్రాంతం
మధ్యప్రదేశ్ రాష్ట్రంలోని భోపాల్ కేంద్ర కారాగారం నుంచి 8 మంది ఉగ్రవాదులు తప్పించుకుని పోరిపోగా, వారిని భోపాల్ పోలీసులు ఎన్కౌంటర్ పేరుతో కాల్చిపారేశారు. ప్రస్తుతం ఈ ఎన్కౌంటర్ జరిగిన ప్రదేశం ఓ పిక్నిక్
మధ్యప్రదేశ్ రాష్ట్రంలోని భోపాల్ కేంద్ర కారాగారం నుంచి 8 మంది ఉగ్రవాదులు తప్పించుకుని పోరిపోగా, వారిని భోపాల్ పోలీసులు ఎన్కౌంటర్ పేరుతో కాల్చిపారేశారు. ప్రస్తుతం ఈ ఎన్కౌంటర్ జరిగిన ప్రదేశం ఓ పిక్నిక్ స్పాట్‌గా మారిపోయింది. ఎన్కౌంటర్ నాటి ఘటనకు సంబంధించిన కొన్ని సాక్ష్యాలు ఇంకా అక్కడ ఉండగానే.. స్థానికులు ఈ ప్రాంతానికి వచ్చి తెగ సెల్ఫీలు దిగేస్తున్నారు.
ఎన్కౌంటర్ అనంతరం పోలీసులు ఈ ప్రాంతంలో ఎలాంటి బారికేడ్లు పెట్టలేదు. ఉగ్రవాదులు జైల్లో ధరించిన దుస్తులు అక్కడే పడివున్నాయి. నేలమీద, గడ్డిమీద, రాళ్లమీద.. రక్తం మరకలు ఎండిపోయి వున్నాయి. అలాంటి దృశ్యాలను చూసేందుకు గ్రామస్థులు పిల్లలతో కలిసి వస్తున్నారని, సెల్ఫీలు తీసుకుంటున్నారని స్థానిక పత్రికలు రాశాయి.
కొందరు ఆ ప్రదేశంలో కూర్చుని కబుర్లు చెప్పుకొంటూ పిక్నిక్‌లాగా సమయం గడుపుతున్నారని పేర్కొన్నాయి. ఇదే విషయమై మీడియా పోలీసులను ప్రశ్నించగా ఎన్కౌంటర్ తర్వాత ఆ ప్రాంతంలో తమకు అవసరమైన సాక్ష్యాలన్నీ తీసుకున్నామని, అందుకే బారికేడ్లు ఏర్పాటుచేయలేదని ఎస్పీ ధరంవీర్‌ సింగ్‌ తెలిపారు.
