suvichar
✕

తెలంగాణలో జూలై 1 నుంచి విద్యా సంస్థలు ప్రారంభం.. టి సర్కార్

Written By సెల్వి
Updated: మంగళవారం, 22 జూన్ 2021 (10:36 IST)
తెలంగాణ రాష్ట్రంలో జూలై 1వ తేదీ నుంచి విద్యా సంస్థలు ప్రారంభించాలని సర్కారు నిర్ణయించింది. జూలై 1 నుంచి అన్ని రకాల విద్యాసంస్థలను ప్రారంభించేందుకు అవసరమైన చర్యలు తీసుకోవాలని అధికారుల‌ను ఆదేశించింది. పూర్తిస్థాయి సన్నద్థతతో విద్యాసంస్థలను పునః ప్రారంభించాలని స్ఫష్టం చేసింది. ఆన్‌లైన్ విధానంలోనే స్కూళ్లు ప్రారంభించే అవకాశమున్నట్లు తెలుస్తోంది. దీనికి ప్రభుత్వం ఇంకా స్పష్టత ఇవ్వలేదు.
 
రాష్ట్రంలో జూన్ 20 వ తేదీ నుంచి లాక్‌డౌన్ పూర్తిగా ఎత్తివేస్తూ తెలంగాణ స‌ర్కార్ నిర్ణ‌యం తీసుకున్న సంగతి తెలిసిందే. అలాగే లాక్‌డౌన్ సందర్భంగా విధించిన అన్ని రకాల నిబంధనలను పూర్తిస్థాయిలో… ఎత్తివేయాలని అన్ని శాఖల అధికారులను కేబినెట్ ఆదేశించింది తెలంగాణ సర్కారు. 
 
ప్రభుత్వ కార్యాలయాలు, బస్సులు, మెట్రో సర్వీసులు అన్నీ ఎప్పటిలాగే నడవనున్నాయి.  ఇక అంతర్రాష్ట్ర ప్రయాణాలు, బస్సు సర్వీసుల విషయమై ఇంకా స్పష్టత రావాల్సి ఉంది. ప్రస్తుతం తెలంగాణ వ్యాప్తంగా ఉదయం వేళ ప్రయాణాలు కొనసాగుతుండటగా, తాజా నిర్ణయంతో రాత్రివేళ కూడా బస్సులు తిరగనున్నాయి. 
 
ప్రజా జీవనం, సామాన్యుల బతుకు దెరువు దెబ్బతినొద్దనే ముఖ్య ఉద్దేశంతోనే లాక్​డౌన్ ఎత్తివేశామని రాష్ట్ర మంత్రివర్గం తెలిపింది. కేబినెట్ తీసుకున్న నిర్ణయానికి ప్రజల సహకారం అందించాలని కోరింది.

అన్నీ చూడండి

సామాజిక మార్పు కోసం పోరాడిన పూలే చిత్రం విడుదలకు సిద్ధమైంది

రాయవలస నుంచి విడుదలైన నీతో ఓ అడుగు అంటూ ప్రేమ గీతానికి మంచి స్పందన

అప్పాకుట్టి సినిమా ప్రమోషన్-రైలులో ప్రయాణించిన విజయ్ ఆంటోనీ (video)

Chandrabose: గ్రామోఫోన్ రికార్డుల నుండి ఆస్కార్ అవార్డుల వరకు—సాంకేతిక పరిణామాన్ని నేను కళ్లారా చూశాను: చంద్రబోస్

Vijay Sethupathi :మొబైల్ యాప్ లోన్ నేపథ్యంగా విజయ్ సేతుపతి ఆవిష్కరించిన ఈగో రాజా టీజర్

తర్వాతి కథనం
Show comments