ఇండస్ట్రీలో పవన్‌ను మించిన హీరో మరొకరు లేడు : భానుప్రియ
ముందుతరం సినీ హీరోయిన్ భానుప్రియ అనగానే ఆమె విశాల నేత్రాలు, రూపలావణ్యం, అభినయం, ఆమె నాట్యం.. ఒకటి వెంట ఒకటి వరుసగా గుర్తుకు వస్తాయి. గతంలో సూపర్ స్టార్ కృష్ణ, శోభన్ బాబు నుంచి ఒకనాటి అగ్ర హీరోలందరితో
ముందుతరం సినీ హీరోయిన్ భానుప్రియ అనగానే ఆమె విశాల నేత్రాలు, రూపలావణ్యం, అభినయం, ఆమె నాట్యం.. ఒకటి వెంట ఒకటి వరుసగా గుర్తుకు వస్తాయి. గతంలో సూపర్ స్టార్ కృష్ణ, శోభన్ బాబు నుంచి ఒకనాటి అగ్ర హీరోలందరితోనూ రొమాన్స్ పండించిన హీరోయిన్ భానుప్రియ. దాదాపు దశాబ్దం క్రితం హీరోయిన్ పాత్రలకు దూరమైన ఈ హీరోయిన్ ఆ తరువాత హీరో తల్లి పాత్రలతో టాలీవుడ్‌లో తన జోరుని కొనసాగిస్తోంది.
రీసెంట్‌గా ఓ ఇంటర్యూలో మాట్లాడింది భానుప్రియ. నాకు మహేష్ బాబు, పవన్ కళ్యాణ్ అంటే చాలా ఇష్టం అని చెప్పుకొచ్చింది. ఈ ఇద్దరి హీరోల లుక్స్, యాక్టింగ్ బాగుంటుందని కూడా చెప్పింది. అయితే ఆ తర్వాతే అందరికీ షాక్ ఇచ్చేలా అవకాశం ఇస్తే మహేష్, పవన్ పక్కన హీరోయిన్‌గా నటిస్తానని అని చెప్పింది భానుప్రియ. ఇప్పుడు ఆ మాటలే సోషల్ మీడియాలో ఎటకారంగా మారిపోయింది. మహేష్ పక్కన భానుప్రియకు హీరోయిన్ ఛాన్సా? క్యారెక్టర్ ఆర్టిస్ట్‌గా మహేష్ సినిమాలో యాక్ట్ చేయాలని ఉంది అని ఉంటే బాగుండేదని మరీ హీరోయిన్‌గా యాక్ట్ చేయాలని ఉంది అని చెప్పడం మరీ విడ్డూరంగా ఉందని సెటైర్స్ పడుతున్నాయి.
పవన్ అంటే తాను పడిచస్తానని, పవన్‌ని మించిన మరో హీరో లేడని పొగడ్తల వర్షాన్నికురిపిస్తోంది ఈ టాప్ హీరోయిన్. ఇండస్ట్రీలో పవన్‌ను మించిన హీరో మరొకరు లేడని, అత్తారింటికి దారేదీ సినిమాను ఎన్నోసార్లు చూశానని అంటోంది. ఈ వయసులో కూడా కుర్ర హీరోల పక్కన హీరోయిన్ చేయాలన్న ఈ భామ కోరిక చూసి సినీ జనాలు నోరెళ్లబెడుతున్నారని టాలీవుడ్ వర్గాలు అంటున్నాయి.
