నాని, విజ‌య్ దేవ‌ర‌కొండ కాంబినేష‌న్‌!

nani, vijay

మ‌రోసారి నాని, విజ‌య్‌దేవ‌ర‌కొండ కాంబినేష‌న్ రాబోతుంద‌ని ఫిలింన‌గ‌ర్ క‌థ‌నాలు చెబుతున్నాయి. ఇప్ప‌టికే వారిద్ద‌రూ `ఎవ‌డే సుబ్ర‌హ్మ‌ణ్యం` సినిమాలో న‌టించారు. ఇద్ద‌రి పాత్ర‌లు వెరైటీవున్నాయి. ఆ సినిమా ఇద్ద‌రికీ మంచి పేరుని తెచ్చిపెట్టింది. ఇప్పుడు మ‌ర‌లా నాని కాంబినేష‌న్‌లో విజ‌య్‌ను తీసుకోవాల‌ని చిత్ర నిర్మాత‌లు చూస్తున్నారు. వివ‌రాల్లోకి వెళితే, టాక్సీవాలా డైరక్టర్ రాహుల్ దర్శకత్వంలో రాబోతున్న సినిమా ‘శ్యామ్ సింగ రాయ్’. నాని క‌థానాయ‌కుడు. బెంగాల్ నేప‌థ్యంలో సాగుతుంది. ఇప్ప‌టికే బెంగాల్ గెట‌ప్‌లో నాని పోస్ట‌ర్ కూడా రిలీజ్ అయింది.

అయితే క‌థ ప్ర‌కారం పురాతన కోట ఆ నేప‌థ్యంలో రాజుల గెట‌ప్‌లో ఓ పాత్ర‌కు ఇద్ద‌రు ముగ్గురిని ప‌రిశీలించిన‌ట్లు తెలిసింది. ముందుగా నారారోహిత్‌ను అనుకున్నారు. అయితే చిత్ర యూనిట్‌లో ఎక్కువ‌మంది ఎవ‌డే సుబ్ర‌మ‌ణ్యం సినిమాను గుర్తుచేస్తూ విజ‌య్‌దేవ‌ర‌కొండ‌కు మార్కులు వేశార‌ట‌. అయితే ఇందుకు ద‌ర్శ‌క నిర్మాత‌లు అప్రోచ్ అయిన‌ట్లు తెలిసింది. అయితే ఎవ‌డే సుబ్ర‌మ‌ణ్యంలోగా పూర్తి నిడివి పాత్ర కాదు. గెస్ట్ రోల్‌. ఇలాంటి రోల్‌నే జాతి రత్నాలు సినిమాలో విజ‌య్‌దేవ‌ర‌కొండ చేశాడు. అయితే అది పెద్ద ప్రాధాన్య‌త లేదు. కానీ నాని సినిమాలో సెకండాఫ్‌లో వ‌చ్చే ఆ పాత్ర కీ రోల్ ప్లే చేస్తుంద‌ని తెలుస్తోంది. త్వ‌ర‌లో మ‌రిన్ని వివ‌రాలు తెలియ‌నున్నాయి.