'కబాలీ' రజినీకాంత్ అమెరికా ఆస్పత్రిలో ఎందుకు చేరారంటే?
తమిళ సూపర్ స్టార్ రజినీకాంత్ అమెరికా ఆస్పత్రిలో చేరివున్నారు. ఆయన ఆస్పత్రిలో చేరడానికి గల కారణాలపై చెన్నై కోడంబాక్కం వర్గాలు వివిధ రకాలైన పుకార్లు పుట్టిస్తున్నాయి.
తమిళ సూపర్ స్టార్ రజినీకాంత్ అమెరికా ఆస్పత్రిలో చేరివున్నారు. ఆయన ఆస్పత్రిలో చేరడానికి గల కారణాలపై చెన్నై కోడంబాక్కం వర్గాలు వివిధ రకాలైన పుకార్లు పుట్టిస్తున్నాయి. నిజానికి రజినీకాంత్ తన కుటుంబంతో సరదాగా గడిపేందుకు అమెరికా వెళ్ళారు. అక్కడ టూర్‌లో ఉండగానే ఆయన ఆస్పత్రిలో చేరాల్సిన పరిస్థితి ఏర్పడింది. అయితే ఈ విషయం తెలిసుకున్న తమిళ్ మీడియా రజినీకాంత్ ఆరోగ్యం సడెన్‌గా క్షీణించడంతో హాస్పిటల్ పాలయ్యారంటూ లేనిపోని వార్తలు రాసుకొచ్చింది. దీంతో ఆయన అభిమానులు ఆందోళనకు గురయ్యారు. అయితే ఇక్కడే అసలు ట్విస్ట్ ఉందని చెబుతున్నారు.
అమెరికా పర్యటనలో ఉన్న రజినీకాంత్ హాస్పిటల్‌కి వెళ్ళటమైతే నిజమే కానీ కోలీవుడ్ మీడియాలో వచ్చిన కథనాల ప్రకారం, ఆయనకు అనారోగ్య సమస్య ఉండటం వల్ల కాదట. 'రోబో 2'లో కనిపించబోయే ఓ వెరైటీ గెటప్ కోసం యుఎస్‌లోని ఓ ప్రెవేట్ హాస్పటిల్‌లో మేకప్ టెస్ట్‌ల కోసం చేరినట్టు సమాచారం.
ఈ మేకప్ టెస్టులు డాక్టర్ల పర్యవేక్షణలో జరుగుతున్నాయట. ఆ మేకప్ వల్ల అనారోగ్య సమస్యలు కలగవంటేనే ఆ గెటప్ రజినీ ఓకే చేస్తారట లేనిపక్షంలో ఆ గెటప్‌ను వేయకూడదని నిర్ణయించుకున్నారు. వయసు పెరుగుతున్న కొద్దీ రజినీకాంత్‌కు అనారోగ్య సమస్యలు ఉత్పన్నమవుతున్న విషయం తెల్సిందే. దీంతో కొత్త గెటప్స్ కోసం వాడే కెమికల్స్ వల్ల స్కిన్ ప్రాబ్లమ్స్ రాకుండా ఇలాంటి జాగ్రత్తలు తీసుకుంటున్నారు.
