ఫ్రీగా వస్తుందనుకున్నా... ఆమె ఇలా చేస్తుందనుకోలేదు... బుల్లితెర నటి శ్రీవాణి

బుల్లితెర నటి శ్రీవాణి, సీనియర్ నటి కవితల మధ్య చెలరేగిన రగడ తారాస్థాయికి వెళ్లింది. ఇంతకీ విషయం ఏంటయా అంటే... శ్రీవాణి భర్త విక్రమాదిత్య కెవ్వు కబడ్డి అనే షోను జెమినీ టీవీలో చేస్తున్నారు. ఈ కార్యక్రమంలో 60 మందికి పైగా టీవీ నటులు పాల్గొంటున్నారు. కాగా

బుల్లితెర నటి శ్రీవాణి, సీనియర్ నటి కవితల మధ్య చెలరేగిన రగడ తారాస్థాయికి వెళ్లింది. ఇంతకీ విషయం ఏంటయా అంటే... శ్రీవాణి భర్త విక్రమాదిత్య కెవ్వు కబడ్డి అనే షోను జెమినీ టీవీలో చేస్తున్నారు. ఈ కార్యక్రమంలో 60 మందికి పైగా టీవీ నటులు పాల్గొంటున్నారు. కాగా కార్యక్రమానికి న్యాయనిర్ణేతగా నటి కవిత వ్యవహరిస్తున్నారు. రోజుకు రూ. 25 వేలు చెల్లించేలా ఒప్పందం చేసుకున్నారు. మొత్తం 7 రోజులకు గాను రూ. 75 వేలు చెల్లించి మిగిలినది చెక్ రూపంలో ఇచ్చారు. కవిత ఆ డబ్బును బ్యాంకుకు వెళ్లి మార్చుకునేసరికి స్టాప్ పేమెంట్ పెట్టేసారు. దీనిపై కవిత మండిపడుతోంది. 

ఐతే శ్రీవాణి మాత్రం దీనిపై మరోలా స్పందించింది. తన షోలో పాల్గొంటే డబ్బులు ఇస్తానని చెప్పలేదనీ, షోలో పాల్గొనాలని మాత్రమే అడిగానని చెప్పారు. తన షోల్లో పాల్గొనేటపుడు ఆమె కూడా డబ్బు విషయం తీసుకురాలేదనీ, తీరా షో ముగిశాక డబ్బులివ్వమని అడుగుతున్నారని అంటోంది. ఇంకా ఆమె ఎన్నో కండిషన్లు పెట్టారనీ, అసలు ఆమె ఇంత డబ్బు మనిషి అని తనకు తెలీదంటూ విమర్శలు కురిపిస్తోంది. మొత్తమ్మీద ఈ వివాదం రగులుతూనే ఉంది.