నవంబర్ 4న దీపావళి కానుకగా వచ్చేస్తున్న 'అఖండ'
నందమూరి నట సింహా బాలకృష్ణ, డైరెక్టర్ బోయపాటి శ్రీను క్రేజీ కాంబినేషన్‌లో హ్యాట్రిక్ మూవీగా తెరకెక్కుతున్న చిత్రం 'అఖండ'. ఈ సినిమాలో బాలయ్య సరసన ప్రగ్యా జైస్వాల్ హీరోయిన్‌గా నటిస్తోంది. శ్రీకాంత్, జగపతిబాబు, పూర్ణ కీలక పాత్రలు పోషిస్తున్నారు.
ఈ చిత్రానికి ఎస్.ఎస్. థమన్ సంగీతం సమకూరుస్తున్నారు. మిర్యాల సత్యనారాయణ రెడ్డి సమర్పణలో ద్వారకా క్రియేషన్స్ బ్యానర్ పై మిర్యాల రవీందర్ రెడ్డి భారీ బడ్జెట్‌ ఈ చిత్రాన్ని నిర్మిస్తున్నారు.
అయితే.. ఈ చిత్రం నుంచి ఓ క్రేజీ అప్డేట్ వచ్చింది. అఖండ చిత్రానికి సంబంధించిన షూటింగ్ పూర్తయ్యిందని మూవీ మేకర్స్ ప్రకటించారు.ఇప్పటికే విడుదలైన 'అఖండ' టైటిల్ పోస్టర్‌, టీజర్ కూడా మంచి రెస్పాన్స్ వచ్చింది. ఈ చిత్రంలో బాలకృష్ణ మూడు విభిన్న పాత్రల్లో నటించనున్నారట.
తాజాగా ఈ సినిమాను నవంబర్ 4న దీపావళి కానుకగా విడుదల చేస్తున్నట్టు ఇండస్ట్రీలో టాక్ వచ్చింది. ఈ విషయమై ఈ బుధవారం అఫీషియల్‌గా ప్రకటించనున్నారు. ఇప్పటికే డిస్ట్రిబ్యూషన్ రైట్స్‌ను భారీ మొత్తంలో అమ్మినట్టు తెలుస్తుంది.
