మస్కిటో రిపెల్లెంట్‌లో మంటలు.. బుల్లితెర నటి ఇంట్లో నిప్పులు
దోమలను తరిమికొట్టేందుకు మస్కిటో రిపెల్లెంట్ వేసింది హిందీ బుల్లితెర నటి. అయితే ఆ రిపెల్లెంట్‌లో మంటలు చెలరేగడంతో కొద్ది వ్యవధిలోనే ఇంట్లో మంటలు చెలరేగాయి. ఈ ప్రమాదం నుంచి హిందీ సీరియల్ యాక్టర్ సౌమ్య టాండన్ తృటిలో తప్పించుకుంది.
అర్థరాత్రి వేళ తన గదిలో మంటలు రావడం చూసిన సౌమ్య తన బామ్మతో కలిసి నిద్రపోతుండగా.. మంటలు వ్యాపించాయి. ఈ ఘటనలో సదరు టీవీ నటి గాయాలు లేకుండా సురక్షితంగా బయటపడింది. బెడ్ పక్కనే మస్కిటో రిపెల్లెంట్‌ను ఎప్పుడూ పెట్టుకోకూడదని తెలుసుకున్నానని.. చెప్పింది.
కాగా బ్యాంకర్ సౌరబ్ దేవేంద్ర సింగ్‌ను 2016లో వివాహం చేసుకున్న సౌమ్య టాండన్.. ఇటీవల ఓ పండంటి అబ్బాయికి జన్మనిచ్చింది. కరీనా కపూర్ ఖాన్ సోదరి రూప్‌తో జాబ్ వి మెట్ అనే సినిమాలో సౌమ్య నటించింది. నిర్లక్ష్యం కారణంగా ఈ ప్రమాదం ఏర్పడిందని.. ప్రస్తుతం అందరూ సురక్షితంగా వున్నామని సోషల్ మీడియా ద్వారా సౌమ్య వెల్లడించింది.
