నానీ... ఐ లవ్ యూ... డైరీలో నాగలక్ష్మీ రాసిన నాని ఎవరు?
బుల్లితెర నటి నాగఝాన్సీ ఆత్మహత్య కేసులోని మిస్టరీని పోలీసులు ఛేదించలేక పోతున్నారు. తన కుమార్తె ఆత్మహత్యకు ఆమె ప్రియుడు సూర్యతేజే కారణమని ఆమె తల్లి ఆరోపిస్తోంది. మరోవైపు, నాగఝాన్సీ అపార్ట్‌మెంట్‌లో పంజాగుట్ట పోలీసులు శనివారం రాత్రి సోదాలు నిర్వహించారు. ఈ సందర్భంగా వారికి ఓ డైరీ లభించింది.
అందులోని ఓ పేజీలో 'నానీ.. ఐ లవ్ యూ' అని నాగఝాన్సీ రాసినట్లు, ఒంటరిగా ఉండలేకపోతున్నానంటూ పలు అంశాలు ప్రస్తావించినట్లు తెలిసింది. దీంతో డైరీలో ఉన్న నాని ఎవరన్న విషయమై పోలీసులు విచారణ జరుపుతున్నారు. కాగా ఈ కేసులో దర్యాప్తును ముమ్మరం చేశారు. ఒక సెల్‌ఫోన్‌లో వాట్సాప్‌ చాటింగ్‌, ఇతర మెస్సేజ్‌లను చూశామని, మరో ఫోన్‌ లాక్‌ ఇంకా తెరుచుకోవడంలేదని పోలీసులు చెపుపుతున్నారు.
ఈ వ్యవహారంపై ఆమె తల్లి సంపూర్ణ మాట్లాడుతూ, నాగఝాన్సీ ఆత్మహత్యకు సూర్యతేజే కారణమని ఆరోపించారు. తన కూతురిని అతడు వేధింపులకు గురిచేశాడని, పెళ్లి చేసుకుంటానని చెప్పి మోసం చేశాడని చెప్పుకొచ్చింది. సూర్యతేజను వెంటనే అరెస్టు చేయాలని డిమండ్‌ చేశారు.
