రెడ్ కార్పెట్‌పై మెరిసిన అలియా భట్, నటి రేఖ
ముంబైలో జరిగిన దాదాసాహెబ్ ఫాల్కే ఇంటర్నేషనల్ ఫిల్మ్ ఫెస్టివల్ అవార్డ్స్ వేడుకలో బాలీవుడ్ తారలు మెరిశారు. ఈ కార్యక్రమానికి ముందుగా రెడ్ కార్పెట్ కార్యక్రమం జరిగింది. ఇందులో బాలీవుడ్ స్టార్ హీరోయిన్ అలియా భట్, ప్రముఖ నటి రేఖ అబ్బురపరిచారు. ఐవరీ చీరలు ధరించి నటీమణులు కలిసి ఫోజులిచ్చారు.
నటీమణులు రెడ్ కార్పెట్‌పై ఒకరినొకరు పలకరించుకున్నారు. కొన్ని పిక్చర్-పర్ఫెక్ట్ మూమెంట్‌లను చేశారు. ఫిల్మ్ ఫెస్ట్‌లో అలియా భట్ ఉత్తమ నటి అవార్డును గెలుచుకుంది.
ఈ కార్యక్రమంలో తన భర్త రణబీర్ కపూర్ కోసం ఆమె ట్రోఫీని కూడా తీసుకుంది. బ్రహ్మాస్త్ర చిత్రానికి ఉత్తమ నటుడి బహుమతిని అందుకున్నారు.
ఉమ్రావ్ జాన్ (1981) వంటి చిత్రాలలో తన నటనకు రేఖ బాగా ప్రసిద్ది చెందింది. ఆమె చివరిసారిగా 2015లో విడుదలైన ఆర్ బాల్కీ దర్శకత్వం వహించిన షమితాబ్‌లో కనిపించింది. ఈ నటి 2018లో విడుదలైన యమ్లా పగ్లా దీవానా: ఫిర్ సేలో ఒక ప్రత్యేక మెడ్లీ పాటలో కూడా నటించింది.
