భానుమతి డైలాగులకు 'ఫిదా' అయిన సీఎం కేసీఆర్...
తెలంగాణ రాష్ట్ర ముఖ్యమంత్రి కేసీఆర్ 'ఫిదా' అయిపోయారు. 'ఫిదా' చిత్రంలో భానుమతిగా నటించిన సాయిపల్లవి నటనకు ఆయన 'ఫిదా' అయిపోయారు. ఈ చిత్రాన్ని ప్రత్యేకంగా ఆయన వీక్షించారు. ఆ తర్వాత చిత్ర యూనిట్‌ను ప్రశంస
తెలంగాణ రాష్ట్ర ముఖ్యమంత్రి కేసీఆర్ 'ఫిదా' అయిపోయారు. 'ఫిదా' చిత్రంలో భానుమతిగా నటించిన సాయిపల్లవి నటనకు ఆయన 'ఫిదా' అయిపోయారు. ఈ చిత్రాన్ని ప్రత్యేకంగా ఆయన వీక్షించారు. ఆ తర్వాత చిత్ర యూనిట్‌ను ప్రశంసల్లో ముంచెత్తారు. ముఖ్యంగా హీరోయిన్ సాయిపల్లవి నటనతో పాటు ఆమె మాట్లాడిన డైలాగులను ఎంతగానో మెచ్చుకున్నారు.
ఒక రాష్ట్ర ముఖ్యమంత్రిగా, ఓ పార్టీ అధినేతగా ఉన్న కేసీఆర్ నిత్యం అధికారులతో సమీక్షలు, హరితహారం పనులు, ప్రజా సంక్షేమంపై దృష్టి ఇలా రోజంతా క్షణం తీరిక లేకుండా గడుపుతూ ఉంటారు. అయితే, శేఖర్ కమ్ముల దర్శకత్వంలో వరుణ్ తేజ్ హీరోగా నటించి ఇటీవల విడుదలైన 'ఫిదా' సినిమా చూసి ఆయన ఫిదా అయిపోయారు. ఈ విషయాన్ని సినిమా పీఆర్వో వంశీ కాక, తన ట్విట్టర్ ఖాతాలో వెల్లడించారు. కేసీఆర్ ఈ చిత్రాన్ని చూసిన తర్వాత అద్భుతంగా ఉందని ప్రశంసించినట్టు ఆయన తెలిపారు. చిత్ర టీమ్‌ను ఆయన అభినందించారు.
ముఖ్యంగా భానుమతిగా నటించిన సాయి పల్లవి... స్వయానా ఓ తమిళ అమ్మాయి. ఈ చిత్రంలో నటించే అవకాశం రావడంతో అచ్చ తెలంగాణ యాసలో డైలాగులు చెప్పేందుకు తెలుగు భాషను నేర్చుకుంది. ఆ తర్వాత చిత్రంలో డైలాగులేకాకుండా, అద్భుతమైన నటనతో ప్రతి ఒక్కరి మనసులను కొల్లగొట్టింది. భానుమతిలో సాయి పల్లవి చెప్పిన డైలాగులు సూబర్బ్‌గా ఉన్నాయంటూ మీడియాలో ప్రచారం కావడంతో ఈ చిత్రం నిర్మాతలను తన కార్యాలయానికి పిలిపించి.. ప్రత్యేక షోను వేయాల్సిందిగా సీఎం కోరారు. దీంతో సోమవారం ప్రత్యేక షోను వేయగా, కేసీఆర్ తిలకించి ఫిదా అయిపోయినట్టు ప్రకటించారు.
