నా కోసం అందరూ ప్రార్థించారు : ఉన్ని ముకుందన్

Publish: Sat, 4 Jan 2025 (17:46 IST) Updated: Sat, 4 Jan 2025 (17:50 IST)

Unni Mukundan

తొలిసినిమా జనతా గ్యారేజ్ సినిమాలో నటించి తరువాత భాగమతి, ఖిలాడి చిత్రాల్లో పరిచయం అయిన ఉన్ని ముకుందన్  తాజాగా మార్కో సినిమాలో నటించారు. మలయాళంలో రూపొందిన ఈ సినిమా జనవరి 1న తెలుగులోనూ విడుదలైంది. తెలుగులో తొలి రోజు హయ్యస్ట్ వసూళ్లు సాధించిన మలయాళం మూవీగా నిలిచింది. ఈ సందర్భంగా హీరో ఉన్ని ముకుందన్ మార్కో విశేషాల్ని పంచుకున్నారు. 

- ఇందులో యాక్షన్ భాగాన్ని షూట్ చేస్తున్నప్పుడు నేను గాయపడకుండా చూసుకోవాలనుకున్నాను. అందరూ దాని కోసం ప్రార్థించారు. ఏదైనా గాయం అయితే షూట్ ఆగిపోతుంది. అదృష్టవశాత్తూ అన్నీ బాగానే జరిగాయి. క్యారెక్టర్ కోసం మంచి ఫిజిక్ ని రెడీ చేయాల్సి వచ్చింది. బిల్ట్‌ని మెయింటెయిన్ చేయడం ఛాలెంజింగ్ గా అనిపించింది.

-వెరీ ఓవర్వెల్మింగ్ ఫీలింగ్. చాలా హార్డ్ వర్క్ చేశాం. ఫైట్ సీక్వెన్స్ ఎప్పుడూ రిస్క్ తో కూడుకున్నవే. నేను ఎలాంటి డూప్స్ ఉపయోగించలేదు. సినిమా A సర్టిఫికేట్ పొందినందున ప్రొడక్షన్ విషయంలో కూడా చాలా రిస్క్ ఉంది, కానీ ఇప్పుడు A సర్టిఫికేట్ పొందిన సినిమాతో 100cr క్రాస్ చేసినందుకు చాలా సంతోషంగా ఉంది.

ఈ సినిమాను తెలుగులో విడుదల చేయాలని బలంగా అనుకున్నాను. తెలుగు ప్రేక్షకులు కొత్తదనంను ఆదరిస్తారు. బాహుబలి, ఈగ.. ఇలా రాజమౌళి సర్ తీసిన సినిమాలు హై టైమ్ ప్రయోగాలే అయినా ప్రేక్షకులు అద్భుతంగా ఆదరించారు. ఇలాంటి సినిమా తీయడానికి అదొక స్ఫూర్తి. తెలుగు ప్రేక్షకుల ప్రేమకు ధన్యవాదాలు. త్వరలో మరో సినిమాతో మీ ముందుకు వస్తాను అన్నారు.