మహేష్ బాబు- కొరటాల కాంబోలో రెండో సినిమా.. ''భరత్ అను నేను'' అనేదే టైటిలా?
టాలీవుడ్ ప్రిన్స్ మహేష్ బాబు హీరోగా, కొరటాల శివ కాంబోలో వచ్చిన శ్రీమంతుడు సినిమా బంపర్ హిట్టైన సంగతి తెలిసిందే. ఈ నేపథ్యంలో మహేష్- కొరటాల కాంబోలో కొత్త సినిమా ప్రారంభమైంది. ఇప్పటికే మురుగదాస్ సినిమాలో
టాలీవుడ్ ప్రిన్స్ మహేష్ బాబు హీరోగా, కొరటాల శివ కాంబోలో వచ్చిన శ్రీమంతుడు సినిమా బంపర్ హిట్టైన సంగతి తెలిసిందే. ఈ నేపథ్యంలో మహేష్- కొరటాల కాంబోలో కొత్త సినిమా ప్రారంభమైంది. ఇప్పటికే మురుగదాస్ సినిమాలో నటిస్తున్న మహేష్ బాబు.. ఈ సినిమాకు తర్వాత కొరటాల శివతో రెండో సినిమా చేసేందుకు రెడీ అవుతున్నాడు.
బుధవారం జరిగిన చిత్ర పూజా కార్యక్రమానికి దర్శకుడు కొరటాల శివ, సంగీత దర్శకుడు దేవిశ్రీ ప్రసాద్‌, ప్రముఖ నిర్మాత సురేష్‌బాబు సహా పలువురు హాజరయ్యారు. డి.వి.వి. ఎంటర్‌టైన్‌మెంట్స్‌ పతాకంపై డి.వి.వి.దానయ్య ఈ చిత్రాన్ని నిర్మిస్తున్నారు. ప్రస్తుతం కథానాయిక కోసం అన్వేషణ కొనసాగుతోంది. దీనికి 'భరత్ అను నేనే' అనే పేరు పరిశీలిస్తున్నట్లు సమాచారం. అయితే అధికారికంగా చిత్ర బృందం ఎలాంటి ప్రకటన చేయలేదు.
ఇకపోతే.. మహేష్ బాబు- మురుగదాస్ సినిమా జనవరి 2017కి విడుదలయ్యే అవకాశం ఉండగా, జనవరి చివర్లో కొరటాల-మహేష్ బాబు సినిమా సెట్స్ పైకి రానుంది. ఈ చిత్రం 2017 సెప్టెంబరులో రిలీజ్ అవుతుందని తెలిసింది.
