మిర్చికి తొమ్మిదేళ్లు... ప్రభాస్ కెరీర్‌లో బంపర్ హిట్
కొరటాల శివ దర్శకత్వంలో రూపుదిద్దుకున్న మిర్చి సినిమా తెరకెక్కింది. ప్రభాస్, అనుష్క శెట్టి హీరోయిన్ గా నటించిన ఈ సినిమాలో రిచా గంగోపాధ్యాయ ఒక కీలక పాత్ర చేసారు. సంపత్, సుబ్బరాజు, ప్రియా, హేమ, నాగినీడు, బ్రహ్మానందం వంటి వారు ఇతర రోల్స్ చేసిన ఈ సినిమా 2013 లో ప్రేక్షకుల ముందుకు వచ్చి అతి పెద్ద సక్సెస్ అందుకుంది.
ప్రభాస్ కెరీర్‌లో మిర్చి అతి పెద్ద హిట్‌గా నిలిచింది. సాంగ్స్ కూడా సూపర్ హిట్. యువి క్రియేషన్స్ బ్యానర్ పై తొలి వెంచర్ గా వంశీ, ప్రమోద్ కలిసి ఈ సినిమాని నిర్మించారు.
ఆ విధంగా తొలి సినిమాతోనే బ్లాక్ బస్టర్ సక్సెస్ అందుకున్న నిర్మాతలు నేటితో ఈ సినిమా తొమ్మిదేళ్లు పూర్తి చేసుకునుందని తమ మూవీని ఎంతో ఆదరించిన ప్రభాస్ ఫ్యాన్స్‌కి, ప్రేక్షకులకి మరొక్కసారి ప్రత్యేకంగా కృతజ్ఞతలు చెప్తూ సోషల్ మీడియా అకౌంట్స్‌లో ఒక పోస్ట్ చేసారు.
ఇక ప్రస్తుతం మీడియాలో వైరల్ అవుతున్న ఆ పోస్టర్‌ని చూసిన పలువురు యూనిట్‌కి సోషల్ మీడియా అకౌంట్స్ ద్వారా అభినందనలు తెలియచేస్తున్నారు.
