Daily Horoscope
✕

సిట్ కంటే కఠినుడు బిగ్ బాస్... ముమైత్ నోరు కట్టేశాడు.. మాటాలేదు. ఫోనూ లేదు

మాదకద్రవ్యాల సరఫరా, విక్రయం, వినియోగం కేసులో బుక్కయిన ముమైత్ ఖాన్ వాస్తవానికి బిగ్‌బాస్‌ రియాల్టీ షోలో బిజీగా ఉన్నారు. కానీ సిట్ విచారణకు హాజరు కావటం తప్పనిసరి కావడంతో ఆమె బిగ్ బాస్ ఇంట్లోనుంచి బయటకు రాక తప్పింది కాదు. అయితే ఈ షో నియమాల ప్రకారం ఎలిమి

Written By Raju
Updated: శుక్రవారం, 28 జులై 2017 (07:26 IST)
మాదకద్రవ్యాల సరఫరా, విక్రయం, వినియోగం కేసులో బుక్కయిన ముమైత్ ఖాన్ వాస్తవానికి బిగ్‌బాస్‌ రియాల్టీ షోలో బిజీగా ఉన్నారు. కానీ సిట్ విచారణకు హాజరు కావటం తప్పనిసరి కావడంతో ఆమె బిగ్ బాస్ ఇంట్లోనుంచి బయటకు రాక తప్పింది కాదు. అయితే ఈ షో నియమాల ప్రకారం ఎలిమినేట్ అయితే తప్ప పోటీదారులెవరు బిగ్ బాస్ హౌస్ నుంచి బయటకు రావడానికి వీల్లేదు. కానీ పోలీసు విచారణ కావడంతో అనివార్యంగా ముమైత్‌ను బయటకు పంపక తప్పింది కాదు. 
 
ఆ రకంగా బిగ్ బాస్ చరిత్రలో హోస్ట్ బిగ్ బాస్ ఇంటినుంచి బయటపడటం ఇదే తొలిసారి. కాని సిట్ విచారణ పూర్తి కాగానే బిగ్ బాస్ నిర్వాహకుల ఆదేశాల ప్రకారం ముమైత్ నేరుగా హైదరాబాద్ నుంచి పుణే వెళ్లి తిరిగి బిగ్ బాస్ హౌస్‌లోకి ప్రవేశించింది.. ఈ సందర్భంగా ఆమె బయట ఎవరితోనూ మాట్లాడకుండా, ఫోన్ కాల్ చేయకుండా బిగ్ బాస్ నిర్వాహకులు ముమైత్‌ని నీడలాగా వెంటాడారు. దీంతో సిట్ అధికారుల కంటే బిగ్ బాసే కఠినంగా వ్యవహరించినట్లయింది.
 
బిగ్‌బాస్‌ షో నుంచి బుధవారం రాత్రి 9 గంటల ప్రాంతంలో ముమైత్‌ ముంబై నుంచి విమానంలో హైదరాబాద్‌ వచ్చారు. బిగ్‌బాస్‌ షో ఒప్పందం ప్రకారం 70 రోజుల పాటు సెల్‌ఫోన్‌లో మాట్లాడకూడదు, షో విషయాలను షేర్‌ చేయకూడదు. అత్యసవరాల్లో బయటకు వెళ్లాల్సి వచ్చినా ఇతరులతో ఏమీ మాట్లాడొద్దన్న నిబంధనలున్నాయి. దీనితో నిర్వాహకుల తరఫున నలుగురు వ్యక్తులు ముమైత్‌తో పాటు హైదరాబాద్‌ వచ్చారు. ప్రైవేట్‌ హోటల్‌లో బస చేసి ఉదయం సిట్‌ కార్యాలయానికి కూడా వారు వచ్చారు. 
 
సాయంత్రం విచారణ పూర్తయ్యాక వారితో కలిసి ముమైత్‌ తాను బస చేసిన హోటల్‌కు వెళ్లారు. రాత్రి 7.30 ప్రాంతంలో శంషాబాద్‌ విమానాశ్రయానికి చేరుకున్నారు. విచారణ బాగానే జరిగిందని అక్కడ మీడియాకు చెప్పారు. రాత్రి 8.45 గంటల విమానంలో ఆమె బిగ్ బాస్ నిర్వాహకులతో కలిసి పుణే వెళ్లారు.
 

అన్నీ చూడండి

కుల్గాంలో ఎన్‌కౌంటర్... లష్కర్ కమాండర్ లతీఫ్ భట్ హతం

తెలుగు రాష్ట్రాలలో నవంబర్ 18, 2026న వాతావరణం ఎలా వుంటుందంటే..?

సీఎంకి శుభలేక ఇస్తే చెట్టపట్టాల్ అంటారా? మీ మెదడు ఇంకా మోకాళ్లలో ఎందుకుందో?: వైఎస్ షర్మిల ఆగ్రహం

మంత్రి నిర్మలా సీతారామన్‌ను కలిసిన ఏపీ సీఎం చంద్రబాబు.. ఆర్థిక సాయం కోసం విజ్ఞప్తి

AP Municipal Elections: ఏపీ మున్సిపల్ ఎన్నికలు: 7,508 నామినేషన్లు దాఖలు

అన్నీ చూడండి

మనం తాగుతున్న పాలు, పెరుగు, పన్నీర్ ఆరోగ్యానికి ఏం చేస్తున్నాయి?

ఏ కూరగాయలు ఏ శరీర అవయవానికి మేలు చేస్తాయి?

ఈ వ్యాధిగ్రస్తులకు కిడ్నీ జబ్బులు వచ్చే అవకాశాలు ఎక్కువ, ఎవరు?

ప్రాణాంతక యాంటీమైక్రోబయల్ రెసిస్టెన్స్ ముప్పును తగ్గించుకోవాలంటే ఏం చేయాలి?

తర్వాతి కథనం
Show comments