శుక్రవారం, 29 మార్చి 2024
  1. వినోదం
  2. తెలుగు సినిమా
  3. కథనాలు
Written By జె
Last Modified: శనివారం, 6 జులై 2019 (14:02 IST)

కోలీవుడ్‌లో కేక పుట్టిస్తానంటున్న రష్మికా మందన...

మహేష్ బాబు, బన్నీ సినిమాలతో టాలీవుడ్‌లో బిజీగా ఉన్న రష్మికను కోలీవుడ్లో ఒక సినిమాకు తీసుకున్నారట తమిళ సూపర్ స్టార్. దీంతో రష్మిక కోలీవుడ్లో కూడా దూసుకుపోతానంటోంది. రష్మికకు ఇప్పుడు యూత్‌లో ఎంతో క్రేజ్ ఉంది. గీత గోవిందంలో మేడంగా మురిపించిన రష్మికకు కన్నడ నాట కూడా బోలెడంత పాపులారిటీ. అంటే... సౌత్ ఇండియాలో ఆమెకు క్రేజ్ ఉంది. అందుకే ఇప్పుడు కోలీవుడ్ ఫిల్మ్ మేకర్స్ ఆమె కోసం క్యూ కడుతున్నారు.
 
రష్మిక ఇప్పటికే కార్తి సరసన ఒక తమిళ సినిమాలో నటిస్తోంది. ఆ సినిమా షూటింగ్ దశలో ఉంది. ఇక ఇప్పుడు ఏకంగా విజయ్ సరసన ఆమెను తీసుకుంటున్నారు. రజినీకాంత్ తరువాత అంత క్రేజ్ ఉన్న హీరో విజయ్. ఈ యేడాది చివరలో విజయ్ మరో సినిమాలో చేయబోతున్నాడు. ఆ సినిమాలో మెయిన్ హీరోయిన్‌గా రష్మికను తీసుకుంటున్నారు.