రంగూన్‌లో స్టంట్ క్వీన్ రోల్‌లో కంగనా రనౌత్.. ఫిబ్రవరి 24న గ్రాండ్ రిలీజ్
రంగూన్ సినిమా పనిలో కంగనా రనౌత్ బిజీ బిజీగా ఉంది. 1940 రెండవ ప్రపంచ యుద్ధ నేపథ్యంలో జరిగిన కథ ఆధారంగా సాజిద్‌ నడియాద్‌ వాలా నిర్మిస్తున్న సినిమానే రంగూన్. ఈ సినిమాకు విశాల్ భరద్వాజ్ దర్శకుడు. ఇందులో
రంగూన్ సినిమా పనిలో కంగనా రనౌత్ బిజీ బిజీగా ఉంది. 1940 రెండవ ప్రపంచ యుద్ధ నేపథ్యంలో జరిగిన కథ ఆధారంగా సాజిద్‌ నడియాద్‌ వాలా నిర్మిస్తున్న సినిమానే రంగూన్. ఈ సినిమాకు విశాల్ భరద్వాజ్ దర్శకుడు. ఇందులో కంగనా రనౌత్ జూలియా అనే సినిమా నటి పాత్రను పోషిస్తుంది. ముఫై దశకంలో 'హంటర్వాలే' సినిమాలో స్టంట్ క్వీన్‌గా రూపొందిన నాదియాను తలదన్నేలా కంగానా పాత్ర ఉంటుందని విశాల్ భరద్వాజ్ పోల్చి తెలిపాడు.
వాడియా మూవీటోన్‌కు చెందిన పెక్కు సినిమాలలో వీర వనితగా నటించి పేరు తెచ్చుకున్న నాదియా, ఆ సంస్థ అధిపతి హోమీ వాడియాను 1961లో పెళ్లిచేసుకున్న సంగతి తెలిసిందే. ఈ రంగూన్ సినిమాలో తనను నటిగా తీర్చిదిద్దిన నిర్మాత కబీర్ ఖన్నాతో జూలియా ప్రేమలో పడుతుంది. ఆ పాత్రను సైఫ్‌ ఆలీఖాన్‌ పోషిస్తున్నాడు.
ఆ తర్వాత బ్రిటీష్‌ నేతృత్వంలో సైనికులకి, ఇండియన్ నేషనల్‌ ఆర్మీకి జరిగిన యుద్ధం జరిగిన కాలంలో మన్యాషెర్గిల్‌ అనే సైనికుడికి జూలియా మనసిస్తుంది. ఆ సైనికుడి పాత్రను షాహిద్ కపూర్‌ పోషిస్తున్నాడు. షాహిద్ కపూర్‌కు విశాల్ భరద్వాజ్‌తో కలిసి పనిచేయడం ఇదో రెండోసారి. ఈ రంగూన్ సినిమా ఫిబ్రవరి 24న దేశవ్యాప్తంగా విడుదల కానుంది.
