నేను ముసలివాడినయ్యా.. ఎన్టీఆర్ అందంగా ఉన్నాడన్న స్టార్ డైరెక్టర్
ఆయన తెలుగు సినీపరిశ్రమలో ఒక లెజెండ్ డైరెక్టర్. సరిగ్గా 19 యేళ్ళ క్రితం శాంతినివాసం అనే సీరియల్ తీసిన ఆయన ఆ తరువాత స్టూడెంట్ నెంబర్ 1 అనే సినిమాను తీశాడు. అందులో హీరో జూనియర్ ఎన్టీఆర్. ఆ సినిమా అప్పట్లో పెద్ద హిట్. జూనియర్ ఎన్టీఆర్‌ను హీరోగా నిలబెట్టిన సినిమా.
జూనియర్ ఎన్టీఆర్ ఎంతో లావుగా ఆ సినిమాలో కనిపించాడు. అయినా ప్రేక్షకులు జూనియర్ ఎన్టీఆర్‌ను ఆదరించారు. ఆ సినిమా దాదాపుగా 70 శాతం రామోజీ ఫిలింసిటీలోనే జరిగింది. సినిమా నేటితో 18 యేళ్ళు పూర్తయ్యింది. ప్రస్తుతం ఆర్.ఆర్.ఆర్. సినిమాలో జూనియర్ ఎన్టీఆర్ నటిస్తున్నాడు. దీంతో రాజమౌళి గతాన్ని గుర్తుచేసుకున్నాడు.
సరిగ్గా 18 యేళ్ళ క్రితం నేను జూనియర్ ఎన్టీఆర్‌కి ఇక్కడే కూర్చుని కథను వివరించా.. మళ్ళీ ఇప్పుడు అక్కడే కూర్చుని ఎన్టీఆర్‌కు కథను వివరిస్తున్నా అంటూ అప్పటి ఫోటో.. ఇప్పటి ఫోటోను జతచేసి ట్విట్టర్ ట్వీట్ చేశారు. జూనియర్ ఎన్టీఆర్ బాగా సన్నబడ్డాడు. నేను ముసలివాడినయ్యానంటూ అందులో పోస్ట్ చేశారు. దీంతో నెటిజన్లు తమాషాగా కామెంట్లు పెడుతున్నారు.
