శనివారం, 24 ఫిబ్రవరి 2024
  1. వినోదం
  2. తెలుగు సినిమా
  3. కథనాలు
Written By డీవీ
Last Updated : సోమవారం, 21 మార్చి 2022 (18:02 IST)

శివకార్తికేయన్ ద్విభాషా చిత్రంలో ఉక్రేనియన్ బ్యూటీ మరియా ర్యాబోషప్క

Maria Raboshapka
ప్ర‌ముఖ హీరో శివకార్తికేయన్ తన టాలీవుడ్ అరంగేట్రం కోసం దర్శకుడు అనుదీప్ కెవితో కలిసి పని చేస్తున్నాడు. `జాతి రత్నాలు` బ్లాక్‌బస్టర్ విజయం సాధించిన తర్వాత ప్ర‌ముఖ దర్శకులలో ఒకరిగా మారారు అనుదీప్.  తెలుగులో ఇటీవ‌లే `వరుణ్ డాక్టర్`తో విజయం పొందిన‌ శివకార్తికేయన్ కోసం స‌క్సెస్ ఫుల్ స్క్రిప్ట్‌ను సిద్ధం చేశాడు.
 
ఈ చిత్రంలో కథానాయికగా ఉక్రేనియన్ న‌టి మరియా ర్యాబోషప్కా ఎంపికైంది. ఈ విష‌యాన్ని నిర్మాణ సంస్థ‌లు సోమ‌వారంనాడు ప్ర‌క‌టించాయి. ఆమె ఇప్పటికే రెండు ఉక్రేనియన్ సినిమాల్లో నటించింది అంతేకాక‌ ప్రసిద్ధ భారతీయ వెబ్-సిరీస్ స్పెషల్ ఆప్స్‌లో ప్ర‌ధాన పాత్ర పోషించింది. మ‌రియాకు సంబంధించిన నేడు విడుద‌ల చేసిన పోస్టర్‌లో ఆమె అందంగా కనిపిస్తోంది.
 
ఈ చిత్రం శివకార్తికేయన్‌కు 20వ చిత్రం. #SK20 విభిన్నమైన కాన్సెప్ట్‌తో కూడిన వినోదభరితమైన రొమాంటిక్ ఎంటర్‌టైనర్‌గా రూపొంద‌బోతోంది. ఈ చిత్ర కథ బేక్‌డ్రాప్ పాండిచ్చేరి, లండన్ నేపథ్యంలో ఉంటుంది. శ్రీ వెంకటేశ్వర సినిమాస్ ఎల్‌ఎల్‌పి, సురేష్ ప్రొడక్షన్స్, శాంతి టాకీస్ బ్యానర్‌లపై నారాయణ్ దాస్ నారంగ్, పుస్కుర్ రామ్ మోహన్ రావు,  సురేష్ బాబు నిర్మిస్తున్నారు.  ఈ చిత్రం తెలుగు, తమిళ భాషలలో రూపొందుతోంది. ఈ చిత్రానికి ఎస్ థమన్ సంగీతం అందిస్తుండగా, అరుణ్ విశ్వ సహ నిర్మాత.
 
తారాగణం: శివకార్తికేయన్, సత్యరాజ్, మరియా ర్యాబోషప్క
 
సాంకేతిక సిబ్బంది:
రచయిత, దర్శకుడు: అనుదీప్ కె.వి
సంగీత దర్శకుడు: ఎస్ థమన్
నిర్మాతలు: నారాయణ్ దాస్ నారంగ్, పుస్కుర్ రామ్ మోహన్ రావు,  సురేష్ బాబు
బ్యానర్లు: శ్రీ వెంకటేశ్వర సినిమాస్ LLP, సురేష్ ప్రొడక్షన్స్, శాంతి టాకీస్
సహ నిర్మాత: అరుణ్ విశ్వ
PRO: వంశీ-శేఖర్