బేబీకార్న్, క్యాప్సికమ్ శాండ్‌విచ్ ఎలా చేయాలో చూద్దాం.. (video)

ముందుగా స్టౌమీద బాణలి పెట్టి వేడయ్యాక అందులో మూడు స్పూన్ల నూనెను వేయాలి. నూనె వేడయ్యాక ఉల్లి తరుగులు చేర్చాలి. ఉల్లి తరుగులు వేసిన ఐదు నిమిషాలకే క్యాప్సికమ్ తరుగును చేర్చాలి. ఆనియన్, క్యాప్సికమ్‌ను బా

శాండివిచ్ అంటే అందరికీ ఇష్టమే. ఈవినింగ్ స్నాక్‌గా అందరూ తీసుకునే శాండ్‌విచ్‌ను బేబీ కార్న్, క్యాప్సికమ్, ఆనియన్ వంటి పోషకాలను శరీరానికిచ్చే పదార్థాలతో ఎలా తయారు చేయాలో చూద్దాం.. క్యాప్సికమ్, ఆనియన్, బేబీకార్న్‌ వ్యాధినిరోధక శక్తిని పెంచుతాయి. 

ఇక బేబీకార్న్, క్యాప్సికమ్, ఆనియన్ శాండివిచ్‌కు.. 

కావలసిన పదార్థాలు:

నూనె -  అర కప్పు

ఉప్పు - తగినంత 

చీజ్ - ఒక కప్పు 

కారం - తగినంత 

ఉడికించిన బేబీ కార్న్- ఒక కప్పు

కొత్తిమీర తరుగు - పావు కప్పు 

క్యాప్సికమ్ తరుగు - ఒక కప్పు   

ఉల్లి తరుగు - ఒక కప్పు 

బ్రెడ్ ముక్కలు - నాలుగు

ఎలా చేయాలంటే..

ముందుగా స్టౌమీద బాణలి పెట్టి వేడయ్యాక అందులో మూడు స్పూన్ల నూనెను వేయాలి. నూనె వేడయ్యాక ఉల్లి తరుగులు చేర్చాలి. ఉల్లి తరుగులు వేసిన ఐదు నిమిషాలకే క్యాప్సికమ్ తరుగును చేర్చాలి. ఆనియన్, క్యాప్సికమ్‌ను బాగా కలియబెట్టాలి. ఆపై ఓ కప్పు కారం చేర్చాలి. తర్వాత ఉప్పు చేర్చి బాగా మిశ్రమాన్ని మగ్గనివ్వాలి. ఆనియన్ బాగా వేగాక చీజ్ ముక్కలు కలుపుకోవాలి. అందులోనే బేబీకార్న్ పలుకులు చేర్చి మిశ్రమాన్ని కలియబెట్టాలి. చివర్లో కొత్తిమీరను చేర్చాలి. ఈ మిశ్రమాన్ని పక్కనబెట్టుకుని.. బాణలిలో నూనె వేసి వేడయ్యాక బ్రెడ్ ముక్కలను ఇరు వైపులా దోరగా వేపుకుని ప్లేటులోకి తీసుకోవాలి.

ఆ బ్రెడ్ ముక్కలను ప్లేటులోకి తీసుకుని.. అంతకుముందు సిద్ధం చేసుకున్న బేబీకార్న్, క్యాప్సికమ్ మిశ్రమాన్ని స్పూన్‌లోకి తీసుకుని బ్రెడ్ ముక్కల మధ్య పరచాలి. ఆ మిశ్రమం చీజ్ ముక్కల్ని పేర్చి.. మరో బ్రెడ్ ముక్కతో మసాలాను బయటికి రాకుండా వుంచాలి. ఇలా సిద్ధం చేసుకున్న బ్రెడ్‌తో కూడిన మసాలాను బాణలిలో నూనె పోసి రోస్ట్ చేసుకోవాలి. ఇలా ఇరు వైపులా దోరగా టోస్ట్ అయిన బ్రెడ్ ముక్కల్ని ప్లేటులోకి తీసుకుని హాట్ హాట్‌గా మీకు నచ్చిన సాస్‌తో సర్వ్ చేస్తే టేస్టు అదిరిపోతుంది.