ఆకుకూరల్ని కుక్కర్లో మూతపెట్టి వండుతున్నారా?

రోజూ ఓ కప్పు మోతాదులో ఆకుకూర వంటకాన్ని తీసుకోవడం ద్వారా ఆరోగ్యానికి కావాల్సిన పోషకాలు లభిస్తాయి. ఆకుకూరల ద్వారా అనేక రకాల ఖనిజ లవణాలు, విటమిన్లు, ప్రోటీన్లు శరీరానికి అందుతాయి. ఆకుకూరల్లో కెలోరీలు, కొ

రోజూ ఓ కప్పు మోతాదులో ఆకుకూర వంటకాన్ని తీసుకోవడం ద్వారా ఆరోగ్యానికి కావాల్సిన పోషకాలు లభిస్తాయి. ఆకుకూరల ద్వారా అనేక రకాల ఖనిజ లవణాలు, విటమిన్లు, ప్రోటీన్లు శరీరానికి అందుతాయి. ఆకుకూరల్లో కెలోరీలు, కొవ్వు తక్కువ. అయితే ఈ ఆకుకూరలను వండేటప్పుడు రెండు మూడుసార్లు కడగాలి. ఎందుకంటే.. చిన్న పురుగులు, దుమ్ము, వంటివి తొలగిపోతాయి. 

కడిగేటప్పుడు పావు స్పూన్ ఉప్పు వేసి శుభ్రం చేస్తే ఇంకా మంచిది. ఇలా చేయడం ద్వారా క్రిములు చనిపోతాయి. అలాగే ఆకుకూరలను వండే సమయంలో మూతలు పెట్టి వండటం ద్వారా మనకు పూర్తి పోషకాలు లభిస్తాయి. వీలైనంతవరకు కుక్కర్లో వండటం మంచిది. ఆకుకూరలు ఉడికించిన తర్వాత ఆ నీటిని పారేయకుండా ఉప్పు, నిమ్మరసం కలిపి సూప్‌గా తీసుకుంటే ఆరోగ్యానికి ఎంతో మంచిది. 

ఆకుకూరల్లో రోజుకో రకం బచ్చలి, మెంతికూర, కొత్తిమీర, కరివేపాకు, తోట కూర, కొయ్యతోటకూర, అవిశాకు, మునగాకు, గోంగూర, చింతచిగురు, పొన్నగంటి, పాలకూర, చుక్కకూరను ఎక్కువగా వాడాలి. ఆయాకాలంలో చౌకగా దొరికే ఆకు కూరలను ప్రతిరోజు ఏదో రూపంలో వాడడం మంచిది. 

పెసర పప్పు, పాలకూర, కరివేపాకు పొడి, పుదీనా పచ్చడి, గోంగూర పప్పు, ఆకుకూర పకోడి, బచ్చలి-బజ్జి వంటి వెరైటీలుగా ఆకుకూరల్ని ఆహారంలో చేర్చుకోవచ్చు. క్యాల్షియం, విటమిన్‌ ‘ఎ', ‘సి', ఇనుము, ఫోలిక్ యాసిడ్ లభిస్తుందని ఆరోగ్య నిపుణులు అంటున్నారు.