బొబ్బట్లు ఎలా చేయాలో తెలుసా..?

బెల్లంలోని పోషకాలు అలసట, ఒత్తిడిని తొలగిస్తాయి. తద్వారా శరీరానికి కావలసిన ఎనర్జీ అందుతుంది. బెల్లంలోని మినరల్స్, న్యూట్రియన్ ఫాక్ట్ కంటి చూపుకు చాలా మంచివి. ఇలాంటి బెల్లంతో బొబ్బట్లు ఎలా చేయాలో చూద్దాం..

కావలసిన పదార్థాలు:

శెనగపప్పు - పావుకిలో 

బెల్లం - పావుకిలో

పచ్చికొబ్బరి - అరకప్పు

నెయ్యి - పావుకిలో

మైదాపిండి - 200 గ్రా

యాలకులు - 10

నూనె - తగినంత

తయారీ విధానం:

ముందుగా మైదాపిండిని కొద్దిగా నీళ్లతో కలుపుకుని నూనెలో నానబెట్టుకోవాలి. ఇప్పుడు శెనగపప్పులను కుక్కర్లో మెత్తగా ఉడికించి అందులో బెల్లం, కొబ్బరి తురుము, యాలకుల పొడి వేసి కాసేపటి తరువాత దించేయాలి. ఈ మిశ్రమం చల్లారిన తరువాత దీన్ని మెత్తగా రుబ్బుకోవాలి. ఆ తరువాత చిన్న చిన్న ఉండలుగా చేసుకోవాలి. ఇప్పుడు మైదాపిండిని ఉండల్లా చేసుకుని నెయ్యిరాసి దాని మధ్యలో పూర్ణం ఉండ పెట్టుకుని నాలుగువైపులా మూసేసి చేత్తో చపాతిలా మెల్లగా ఒత్తుకోవాలి. ఆ తరువాత పెనంపై నెయ్యి వేసి బొబ్బట్టును వేసి దోరగా రెండు వైపులా వేయించుకోవాలి. అంతే... బొబ్బట్లు రెడీ.