బిగ్ బాస్ ఫేమ్ సామ్రాట్ రెడ్డికి రెండో పెళ్లి...
టాలీవుడ్‌లో పెళ్ళిళ్ళ సందడి నెలకొంది. హీరో, హీరోయిన్లు, నిర్మాతలు, దర్శకులు ఒక్కొక్కరుగా పెళ్ళి పీటలెక్కుతున్నారు. రీసెంట్‌గా కాజల్ అగర్వాల్ తన ప్రియుడు గౌతమ్ కిచ్లుని వివాహం చేసుకోగా, డిసెంబర్ 9న నిహారిక- చైతూల వివాహం రాజస్థాన్‌లోని ఉదయ్‌పూర్ ప్యాలెస్‌లో జరగనుంది. కట్ చేస్తే బిగ్‌బాస్ సీజన్ 2 ఫేం సామ్రాట్ రెడ్డి రీసెంట్‌గా రెండో పెళ్లి చేసుకున్నారు.
ఈ విషయాన్ని ఆయన సోదరి శిల్పారెడ్డి తన ఇన్‌స్టాగ్రామ్‌లో వెల్లడించింది. సామ్రాట్- శ్రీ లిఖితల వివాహం కాకినాడలో జరగగా, వీరి పెళ్ళికి కేవలం కుటుంబ సభ్యులు, సన్నిహితులు మాత్రమే హాజరైనట్టు తెలుస్తుంది. సామ్రాట్ ఫ్రెండ్స్ తనీష్‌, దీప్తి సునయన కూడా ఈ పెళ్ళి వేడుకలో పాల్గొని సందడి చేశారు. కాగా, గతంలో సామ్రాట్ రెడ్డి.. హర్షిత రెడ్డిని వివాహం చేసుకున్నాడు. ఆమెతో విడాకులు తర్వాత రెండో పెళ్లికి సిద్ధమయ్యాడు.
