'సంక్రాంతికి వస్తున్నాం' వసూళ్ల సునామీ - ఇండస్ట్రీ ఆల్‌టైమ్ రికార్డు
విక్టరీ వెంకటేష్ - అనిల్ రావిపూడి కాంబినేషన్‌లో వచ్చిన చిత్రం సంక్రాంతికి వస్తున్నాం. సంక్రాంతి పండుగ సందర్భంగా జనవరి 14వ తేదీన విడుదలైంది. ఐశ్వర్య రాజేష్, మీనాక్షి చౌదరిలు హీరోయిన్లు. దిల్ రాజు నిర్మాత. ఈ చిత్రం విడుదలై 20 రోజులు కావొస్తున్నా సినిమా కలెక్షన్లు మాత్రం నిలకడగా కొనసాగుతున్నాయి. వారాంతంలో థియేటర్ల ముందు హౌస్‍‌ఫుల్ కలెక్షన్ బోర్డులు దర్శనమిస్తున్నాయి. దీంతో వసూళ్లపరంగా ఈ సినిమా పలు రికార్డులను తన ఖాతాలో వేసుకోవడం ఖాయమని తెలుస్తోంది.
ఇక ఇప్పటివరకు ఈ చిత్రానికి రూ.303 కోట్లు వచ్చినట్టు తాజాగా మేకర్స్ ప్రకటించారు. ప్రాంతీయ చిత్రాల విభాగంలో సంక్రాంతికి వస్తున్నాం మూవీ ఆల్‌టైమ్ ఇండస్ట్రీ హిట్‌గా నిలిచిందని మేకర్స్ సోమవారం ఒక పోస్టరును విడుదల చేసింది. ఈ చిత్రానికి భీమ్స్ అద్భుతమైన సంగీతం అందించారు. ఫలితంగా ఈ మూవీలోని అన్ని పాటలు సూపర్ డూపర్ హిట్‌గా నిలిచాయి.
