హీరోలకు కష్టంగా ఉందని బరువు తగ్గాను.. 6 నెలల్లో 13 కేజీలు... హాన్సిక
హీరో అల్లు అర్జున్ నటించిన "దేశముదురు" చిత్రంలో తెలుగు వెండితెరకు పరిచయమైన భామ హాన్సిక. ఆ తర్వాత అనేక భాషల్లో నటిస్తూనే.. తెలుగు చిత్రాల్లో కూడా అడపాదడపా కనిపిస్తోంది. తాజాగా మంచు విష్ణుతో కలిసి 'లక్క
హీరో అల్లు అర్జున్ నటించిన "దేశముదురు" చిత్రంలో తెలుగు వెండితెరకు పరిచయమైన భామ హాన్సిక. ఆ తర్వాత అనేక భాషల్లో నటిస్తూనే.. తెలుగు చిత్రాల్లో కూడా అడపాదడపా కనిపిస్తోంది. తాజాగా మంచు విష్ణుతో కలిసి 'లక్కున్నోడు' చిత్రంలో నటించింది. ఈ చిత్రం ఇటీవలే విడుదలైంది. ఈ చిత్రం సక్సెస్ మీట్‌లో పాల్గొన్న హాన్సిక మాట్లాడుతూ "దక్షిణాదిన నేను చేసిన తొలి చిత్రం ‘దేశముదురు’. అందుకే నాకు తెలుగు నేల పుట్టిల్లులాంటిది. మిగిలిన ఎన్ని భాషల్లో నటించినా తెలుగు రాష్ట్రాల్లో అడుగుపెట్టిన ప్రతిసారీ నాకు చాలా ప్రత్యేకంగా అనిపిస్తుంటుంది" అని చెప్పుకొచ్చింది.
పైగా, "తమిళంలో చేతినిండా సినిమాలు ఉండటంతో తెలుగులో కాస్త గ్యాప్‌ వచ్చిన మాట వాస్తవమే. కానీ ఇప్పుడు ‘లక్కున్నోడు’ విడుదలైంది. జయం రవితో నటించిన తమిళ చిత్రం ‘భోగన్’ కూడా తెలుగులోకి అనువాదం కానుంది. సంపత్ నంది దర్శకత్వంలో మంచి పాత్ర చేస్తున్నాను. ఇప్పటివరకు నేను అలాంటి పాత్రలో నన్ను నేను చూసుకోలేదు. బస్తీ అమ్మాయిగా నటిస్తున్నాను" అని చెప్పుకొచ్చింది.
బరువు తగ్గిన అంశాన్ని ప్రస్తావిస్తూ ‘‘ఆరు నెలల్లో 13 కిలోలు బరువు తగ్గాను. ఎలాంటి డైటింగ్‌ చేయలేదు. మా అమ్మ చెప్పిన మెనూని పర్ఫెక్ట్‌గా ఫాలో అయ్యాను’’ అంతే... సులభంగా బరువు తగ్గిపోయినట్టు చెప్పారు. పెళ్లి గురించి ఇంకా ఆలోచన చేయలేదనీ, ప్రేమ వివాహమంటూ ఉండదని స్పష్టం చేసింది.
