నేను రష్మికనే పెళ్లి చేసుకుంటా.. నాకు సిగ్గు బాబోయ్ అంటున్న రష్మిక..
గీతా గోవిందం చిత్రంలో రష్మిక ఎలా నటించారనే విషయం అందరికి తెలిసిందే. ఈ సినిమాలో ఆమె నటన చాలా బాగుంది. అంతేకాదు.. ఈ సినిమాలోని ఒక్క సాంగ్‌తోనే అందరి మన్ననలను పొందారు రష్మిక. అదేనండి.. ఇంకేం ఇంకేం ఇంకేం కావాలే సాంగ్. ఇప్పుడు ఈ సాంగ్ ఎక్కడ విన్నా కూడా రష్మికనే గుర్తుకు వస్తుంది. ఈ సాంగ్ వీడియో చూసిన ప్రతీ ఒక్కరూ.. ఆమె మొదటి సీన్‌‌ను చూసి ఎంతో ఆశ్చర్యపోయారు. దానికి తోడుగా స్త్రీలు ఆ సీన్‌ చూసి.. రష్మిక అందులో ఎలా చేస్తుందో.. అలా చేస్తూ.. డబ్‌స్మాష్ చేస్తూ సోషియల్ మీడియాలో పోస్ట్ చేస్తున్నారు.
ఇదిలా ఉండగా.. ఓ 4 ఏళ్ల అబ్బాయి రష్మికా మందన కావాలంటున్నాడు. పోనీ ఏదో ఫోటో దిగడానికి అనుకుంటే.. ఏకంగా పెళ్లి చేసుకుంటాడట. నీ కన్నా పెద్దది కదా.. అని అడిగితే... అదేం తెలియదు నాకు రష్మిక కావాలంటున్నారు. ఈ విషయం రష్మికకు తెలిసిపోయింది.. ఈ బుల్లి పెళ్లి కొడుకుని చూసి సిగ్గుపడిపోతూ.. నాకు సిగ్గు బాబు అనేసింది.
ప్రవీణ్ అనే సాఫ్ట్‌వేర్ ఇంజనీర్ ఈ బుల్లి పెళ్లి కొడుకుని వీడియో తీశాడు. ఆ వీడియో ఇప్పుడు నెట్టింట వైరల్ అవుతోంది. ఆ బుడ్డోడి పేరు ప్రతి. ఈ బుడ్డోన్ని ఎవర్ని పెళ్లి చేసుకుంటావ్ అని అడిగితే నేను రష్మికనే చేసుకుంటానని చెప్పేశాడు. ఇంతకీ రష్మిక ఎవరు అని అడిగితే.. అదంతా నాకు తెలియదు.. హీరోయిన్.. ఇంకేం ఇంకేం ఇంకేం కావాలే సాంగ్‌లో వస్తుంది కదా ఆ అమ్మాయే అంటున్నాడు.
రష్మిక నీకంటే పెద్దది కదరా అంటే.. పోనీ సమంతాని చేసుకుంటూ అన్నాడు. సమంతకి పెళ్లైపోయింది బుజ్జీ అంటే.. అయితే రష్మికనే చేసుకుంటా.. ఆమె తప్ప నాకు ఎవరూ వద్దూ.. మీరెవరైనా రష్మికను చేసుకుంటానంటే.. కొట్టేస్తా అంటున్నాడు.
