క్యాస్టింగ్ కౌచ్‌కు పార్లమెంట్ అతీతమని భావించకండి: రేణుకా చౌదరి
టాలీవుడ్ సినీ రంగాన్ని క్యాస్టింగ్ కౌచ్ వివాదం పెను దుమారం రేపిన సంగతి తెలిసిందే. సినీ రంగంలోనే ఇలాంటి వ్యవహారాలు నడవట్లేదని.. అన్నీ రంగాల్లోనూ మహిళలపై లైంగిక వేధింపులు చోటుచేసుకుంటున్నాయని వార్తలొస్త
టాలీవుడ్ సినీ రంగాన్ని క్యాస్టింగ్ కౌచ్ వివాదం పెను దుమారం రేపిన సంగతి తెలిసిందే. సినీ రంగంలోనే ఇలాంటి వ్యవహారాలు నడవట్లేదని.. అన్నీ రంగాల్లోనూ మహిళలపై లైంగిక వేధింపులు చోటుచేసుకుంటున్నాయని వార్తలొస్తున్న తరుణంలో క్యాస్టింగ్ కౌచ్ అనేది కేవలం సినీ పరిశ్రమలో మాత్రమే కాకుండా.. అన్నీ చోట్లా వుందని కాంగ్రెస్ ఎంపీ రేణుకా చౌదరి అన్నారు.
సినీ పరిశ్రమలో క్యాస్టింగ్ కౌచ్‌పై బాలీవుడ్ కొరియోగ్రాఫర్ సరోజ్ ఖాన్ చేసిన వ్యాఖ్యపై రేణుక స్పందిస్తూ.. క్యాస్టింగ్ కౌచ్‌కు పార్లమెంట్ అతీతమని భావించకండని వివాదాస్పద వ్యాఖ్యలు చేశారు. ఈ వ్యవహారంపై దేశమంతా ఒక్కతాటిపైకి వచ్చి పోరాడాలని ఆమె పిలుపునిచ్చారు. పార్లమెంట్‌లో మహిళా సాధికారత పెరగాలని రేణుకా చౌదరి వ్యాఖ్యానించారు.
కాగా సినీ ఇండస్ట్రీలో ఎవర్నీ వాడుకుని వదిలేయలేదని క్యాస్టింగ్ కౌచ్ వల్ల కొందరికి జీవనోపాధి లభిస్తోందని.. సరోజ్ ఖాన్ చేసిన వ్యాఖ్యలు వివాదానికి దారితీశాయి. సరోజ్ ఖాన్ వ్యాఖ్యల పట్ల పలువురు వ్యతిరేకత వ్యక్తం చేయడంతో.. వెనక్కి తగ్గిన సరోజ్ ఖాన్ క్షమాపణలు తెలిపారు. ఇక క్యాస్టింగ్ కోచ్‌పై పోరుబాట పట్టిన శ్రీరెడ్డి కూడా సరోజ్ ఖాన్ వ్యాఖ్యలను తీవ్రంగా ఖండించారు.
