నుదిటిన బొట్టు ఇలా పెట్టుకుంటే..?

ప్రతీ స్త్రీకి నుదిటిపై బొట్టు ఆకర్షణీయంగా ఉంటుంది. మరింత అందాన్ని చేకూర్చుతుంది. అలాంటి బొట్టును ఎలా పేడితే ముఖ అందం మరింత పెరుగుతుందో తెలుసుకోవాలంటే.. ఈ కింది అంశాలు పరిశీలిస్తే చాలు.

1. మనం ధరించే దుస్తుల రంగును బట్టి ఎలాంటి బొట్టైన పెట్టుకోవచ్చు. ఆ బొట్టు కూడా అంత పెద్దదిగా కాకుండా కాస్త చిన్న ఆకారంలో ఉండే విధంగా ఎంచుకోవాలి. 

2. నుదురు పెద్దగా ఉండేవారు బొట్టును కనుబొమల మధ్య కాకుండా కొంచెం పైకి పెట్టుకుంటే అందంగా ఉంటుంది. తెల్లని శరీరఛాయ కలిగిన వారికి ముదురురంగు బొట్టు ఆకర్షణీయంగా ఉంటుంది. 

3. నుదురు ఆకృతిని బట్టి ఏ రంగు బొట్టు బాగుంటుందో చూసుకోవాలి. నుదురు చిన్నగా ఉంటే కొంచెం పొడవుగా ఉండే బొట్టు పెట్టుకోవాలి. నుదురు వెడల్పుగా ఉంటే గుండ్రని బొట్టు పెట్టుకుంటే మరింత అందాన్నిస్తుంది. 

4. చామనఛాయ లేదా కాస్త రంగు తక్కువగా వారైతే గులాబీ, నారింజ, గంధపు రంగు, ఎరుపు రంగు బొట్టు కళగా వుంటాయి. కళ్ళు పెద్దవిగా ఉంటే పెద్ద బొట్టు, చిన్నగా ఉంటే కొంచెం చిన్నసైజు బొట్టు శోభాయమానంగా వుంటుంది.

5. నుదురు పెద్దగా ఉన్నవారు పెద్ద బొట్టు పెట్టుకుంటే నుదురు పెద్దగా వున్న విషయం అంతగా తెలీదు. చిన్నవాళ్ళకి రకరకాల ఆకృతులు, మ్యాచింగ్ రంగుల బొట్టు పెట్టుకున్నా బావుంటుంది. కానీ మధ్య వయసు వారికి ఎరుపు, పింక్ వంటి రంగులు, గుండ్రటి బొట్టు నిండుదనాన్నిస్తుంది. పొట్టిగా వున్నవాళ్ళు పొడుగు బొట్టు పెట్టుకొంటే అందంగా, హుందాగా కనిపిస్తారు.