పాలు పాడయిపోయాయా? వాటిని మొక్కలకు పోసి చూడండి

కొన్నిసార్లు మనం కొనుక్కొచ్చిన ప్యాకెట్ పాలు పాడయిపోతాయి. పాలు పాడైపోయాయి కదా ఇంకెందుకని పారబోస్తారు చాలామంది. అలా పారబోయకుండా మొక్కలకు పిచికారీ చేస్తే అవి బ్రహ్మాండంగా వుంటాయట. పాలలో అధికంగా ఉండే కాల్షియం కంటెంట్ మొక్కల పెరుగుదలకు సహాయపడుతుంది. మొక్కలను కుళ్ళిపోకుండా చేస్తుంది. పాలలో అవసరమైన ప్రోటీన్లు, విటమిన్ బి కూడా పుష్కలంగా ఉన్నాయి. ఇవి మొక్కల మొత్తం ఆరోగ్యానికి మంచివి.

ఐతే మొక్కలపై పాలు ఎలా ఉపయోగించాలి?

ఒక భాగం పాలకు ఒక భాగం నీటిని కలపండి. ఆ మిశ్రమాన్ని స్ప్రే బాటిల్‌ లోకి తీసుకోవాలి. మొక్కల ఆకులపై మిశ్రమాన్ని పిచికారీ చేయాలి. పాలు అన్నీ గ్రహించబడ్డాయో లేదా తెలుసుకునేందుకు ఓ అర్థ గంట తర్వాత చూడండి. ఆకులపైన లేదంటే కాండంపైన ఎక్కడైనా పాలు మిగిలి వున్నట్లు కనిపిస్తుంటే ఓ వస్త్రాన్ని తీసుకుని తుడిచేయండి. అవి మొక్కలపై అలాగే వుంటే ఫంగల్ ప్రతిచర్యకు దారితీస్తుంది.

మొక్కలకు పాలు ఉపయోగిస్తున్నప్పుడు ఇంకా ఏమి జాగ్రత్త తీసుకోవాలి?

అధిక పాలను వాడకుండా ఉండాలి, అలా వాడితే పాలలోని బ్యాక్టీరియా పెరుగుదల మొక్కకు హాని చేస్తుంది.