సోమవారం, 15 ఏప్రియల్ 2024
  1. వార్తలు
  2. తెలుగు వార్తలు
  3. తెలుగు వార్తలు
Written By సెల్వి
Last Updated : సోమవారం, 9 మే 2022 (19:10 IST)

నెల్లూరులో ప్రేమోన్మాదం.. ప్రేయసిని గన్‌తో షూట్ చేశాడు.. తాను కూడా..?

shoot
నెల్లూరులో ప్రేమోన్మాదం బయటపడింది. ప్రేమ పెళ్లికి పెద్దలు అంగీకరించకపోవడంతో.. ప్రియురాలిని యువకుడు గన్‌తో కాల్చాడు. అనంతరం ప్రేమికుడు కూడా తనను కాల్చుకుని చనిపోయాడు. యువతి ఆస్పత్రికి తరలిస్తుండగా ప్రాణాలు కోల్పోయింది. 
 
వివరాల్లోకి వెళ్తే.. తాటిపర్తికి చెందిన మాలపాటి సురేష్ రెడ్డి, పొలకూరు కావ్య సాఫ్ట్‌వేర్‌ ఇంజినీర్లుగా పనిచేస్తున్నారు. వీరిద్దరూ కొంత కాలంగా ప్రేమించుకుంటున్నారు. గతంలో బెంగళూరులో పనిచేసేవారు.. కానీ వర్క్‌ఫ్రమ్‌ హోం కావడంతో ఊర్లోనే ఉంటున్నారు. 
 
సురేష్, కావ్యలు తమ ప్రేమ విషయం ఈ మధ్యే పెద్దలకు తెలిసింది. తన బంధువుల ద్వారా కావ్య తల్లిదండ్రులతో సంప్రదింపులు జరిపారట. సురేష్‌తో పెళ్లికి కావ్య కుటుంబసభ్యులు అంగీకరించలేదు.  సోమవారం కావ్యను ఇచ్చి పెళ్లి చేయాలని మరోసారి ఒప్పించే ప్రయత్నం చేశాడు.
 
ఒప్పుకోకపోతే తుపాకీతో బెదిరించైనా ఒప్పించాలనే.. తన వెంట తుపాకీ కూడా తీసుకొని వెళ్లినట్టుగా తెలుస్తోంది. ఆవేశంతో ఆ తర్వాత కావ్యపై కాల్పులు జరిపాడు. 
 
ఆ తర్వాత తనను తాను కాల్చుకున్నాడు. ఈ ఘటనలో ఇద్దరూ మృతిచెందడంతో.. విషాదంగా మారింది. స్థానికులు ఇచ్చిన సమాచారంతో పోలీసులు ఘటనా స్థలానికి చేరుకున్నారు. ఈ ఘటనపై ఆరా తీస్తున్నారు.