ఏపీ గవర్నర్ హరిచందన్‌కు కరోనా పాజిటివ్
ఆంధ్రప్రదేశ్ రాష్ట్ర గవర్నర్ బిశ్వభూషణ్ హరిచందన్ కరోనా వైరస్ బారినపడ్డారు. ఆయన బుధవారం అస్వస్థతకు లోనుకాడంతో హుటాహుటిని హైదరాబాద్ నగరంలోని ఏషియన్ ఇనిస్టిట్యూట్ ఆఫ్ గ్యాస్ట్రోఎంట్రాలజీ ఆస్పత్రికి తరలించారు.
88 ఏళ్ల హరిచందన్ బుధవారం ఉదయం అస్వస్థతకు గురయ్యారు. దీంతో, ఆయనను విజయవాడ నుంచి హైదరాబాదుకు ప్రత్యేక విమానంలో తరలించారు.
గచ్చిబౌలిలోని ఏఐజీ ఆసుపత్రిలో మధ్యాహ్నం ఒంటిగంటకు చేర్పించారు. ఆయనకు వైద్యులు పరీక్షలు నిర్వహించగా కరోనా పాజిటివ్ అని తేలింది. ఈ మేరకు ఏఐజీ వైద్యులు హెల్త్ బులెటిన్‌లో పేర్కొన్నారు.
ప్రస్తుతం ఆయనకు ఆక్సిజన్ అందిస్తున్నామని వైద్యులు తెలిపారు. కాగా, ఏపీ ముక్యమంత్రి జగన్ ఆస్పత్రి వైద్యులకు ఫోన్ చేసి గవర్నర్ ఆరోగ్య పరిస్థితిని వాకబు చేశారు.
