ఆంధ్రప్రదేశ్‌లో ఉచిత ఆరోగ్య శిబిరాలను నిర్వహించనున్న యాక్సిస్‌ బ్యాంక్‌
అంతర్జాతీయ ఆరోగ్య దినోత్సవం పురస్కరించుకుని, భారతదేశంలో మూడవ అతిపెద్ద ప్రైవేట్ రంగ బ్యాంక్‌లలో ఒకటైన యాక్సిస్‌ బ్యాంక్‌, ఆంధ్రప్రదేశ్‌లో ఉచిత ఆరోగ్య శిబిరాలను నిర్వహించనున్నట్లు వెల్లడించింది. ఈ ఆరోగ్య శిబిరాలను విజయవాడ, రాజమండ్రి, కాకినాడ, విశాఖపట్నంలలో ఎంపిక చేసిన యాక్సిస్‌బ్యాంక్‌ కేంద్రాల వద్ద నిర్వహించనున్నారు.
ఈ బ్యాంక్‌ దీని కోసం సుప్రసిద్ధ డయాగ్నోస్టిక్‌ కేంద్రాలు, హాస్పిటల్స్‌ అయిన అపోలో హాస్పిటల్స్‌, కేర్‌ హాస్పిటల్స్‌, మ్యాక్సివిజన్‌ హాస్పిటల్స్‌, శంకర్ నేత్రాలయ వంటి వాటితో భాగస్వామ్యం చేసుకుంది. తద్వారా బ్యాంకు ఖాతాదారులు అత్యుత్తమ వైద్య మార్గనిర్ధేశకత్వంను నిపుణులైన డాక్టర్ల నుంచి పొందగలరు. ఈ ఆరోగ్య శిబిరాలలో ఉచితంగా వైద్య పరీక్షలు చేయడంతో పాటుగా డాక్టర్ల కన్సల్టేషన్‌ కూడా ఉచితంగా అందిస్తారు. ఈ పరీక్షలలో కంటి పరీక్షలు, రక్తపోటు(బీపీ), ర్యాండమ్‌ బ్లడ్‌ షుగర్‌ (ఆర్‌బీఎస్‌), ఈసీజీ వంటివి ఉంటాయి.
ఈ ఆరోగ్య శిబిరాలను ఈ దిగువ శాఖలలో నిర్వహించనున్నారు. అవి ....
26 ఏప్రిల్‌- కాకినాడ డివిజన్‌లో తాడేపల్లి గూడెం శాఖ, మరియు రాజమండ్రి డివిజన్‌లో ఏలూరు
మే 03- రాజమండ్రి డివిజన్‌లో ఏలూరు ఒన్‌ మరియు విజయవాడ డివిజన్‌లో చిల్లకల్లు
మే 04- విజయవాడ డివిజన్‌లో తెనాలి శాఖ
మే 05- విజయవాడ డివిజన్‌లో మచిలీపట్నం మరియు విజయవాడ వ్యూహాత్మక శాఖలు
మే 06- విజయవాడ డివిజన్‌లో గుణదల, నూజివీడు మరియు విశాఖపట్నంలో డాబా గార్డెన్స్‌ శాఖలు
ఆరోగ్యం పట్ల అవగాహన మెరుగుపరచడంతోపాటుగా సమాజానికి వైద్యఆరోగ్య మౌలిక సదుపాయాలు మెరుగుపరచాలనే యాక్సిస్‌ బ్యాంక్‌ లక్ష్యంలో ఈ కార్యక్రమం ఓ భాగం. ఈ ఆరోగ్య శిబిరాలలో రోజుకు 200 మందికి పైగా ఖాతాదారులు ఈ సేవలను వినియోగించుకుంటారని అంచనా.
