ఆస్పత్రిలో చేరిన చిరంజీవి తల్లి అంజనా దేవి.. హైదరాబాదుకు పవన్
మెగాస్టార్ చిరంజీవి తల్లి అంజనా దేవి అనారోగ్య కారణాల వల్ల ఆసుపత్రిలో చేరినట్లు సమాచారం. శుక్రవారం తెల్లవారుజామున ఆమెను హైదరాబాద్‌లోని ఒక ప్రైవేట్ ఆసుపత్రిలో చేర్చినట్లు వర్గాలు తెలిపాయి. వైద్యులు ప్రస్తుతం చికిత్స అందిస్తున్నారు. కానీ ఆమె పరిస్థితి గురించి మెగా కుటుంబం ఎటువంటి అధికారిక ప్రకటన విడుదల చేయలేదు.
తన తల్లి ఆరోగ్య పరిస్థితి గురించి తెలుసుకున్న ఏపీ డిప్యూటీ సీఎం పవన్ కళ్యాణ్ విజయవాడ నుండి హైదరాబాద్‌కు చేరుకున్నారు. విజయవాడలో జరగాల్సిన కార్యక్రమాలు, సమీక్షా సమావేశాలను రద్దు చేసుకున్నారని అధికారిక వర్గాలు తెలిపాయి. అంజనా దేవి ఆరోగ్యం గురించి మరిన్ని వివరాలు ఇంకా తెలియాల్సి వుంది.
