తరగతి గది బెంచి కింద కొండచిలువ...

అటవీ ప్రాంతాల్లో ఉండాల్సిన విషపు సర్పాలు, కొండచిలువలు ఇపుడు ఏకంగా జనావాస ప్రాంతాల్లోకి వస్తున్న సంఘటనలు అనేకం చూస్తున్నాం. తాజాగా మెదక్ జిల్లాలోని ఓ పాఠశాల తరగతి గదిలోని బెంచి కింద పెద్ద కొండచిలువ దర్

అటవీ ప్రాంతాల్లో ఉండాల్సిన విషపు సర్పాలు, కొండచిలువలు ఇపుడు ఏకంగా జనావాస ప్రాంతాల్లోకి వస్తున్న సంఘటనలు అనేకం చూస్తున్నాం. తాజాగా మెదక్ జిల్లాలోని ఓ పాఠశాల తరగతి గదిలోని బెంచి కింద పెద్ద కొండచిలువ దర్శనమిచ్చింది. దీన్ని చూసిన విద్యార్థులు ప్రాణభయంతో తల్లడిల్లిపోయారు. 

మెదక్ జిల్లా మద్దుల్వాయి గ్రామంలో ప్రభుత్వ ప్రాథమిక పాఠశాల ఉంది. ఇందులోని ఓ తరగతి గదిలోని ఓ బెంచిని జరిపేందుకు విద్యార్థులు ప్రయత్నించగా అది జరగలేదు. దీంతో విద్యార్థులు బెంచి కింద తొంగిచూడగా, అక్కడ పెద్ద కొండచిలువ కనిపించింది. దీంతో పెద్దగా కేకలు వేస్తూ తరగతి గది నుంచి పరుగులు తీశారు. 

ఆ తర్వాత ఉపాధ్యాయులు రంగప్రవేశం చేసి తరగతి గదిలోకి పొగ పెట్టి దాన్ని చంపేశారు. మద్దుల్వాయి ప్రభుత్వ పాఠశాల ఆవరణలోకి తరచూ పాములు రావడం సర్వసాధారణమని కానీ ఈ సారి ఏకంగా కొండచిలువ తరగతి గదిలోకి వచ్చిందని ఉపాధ్యాయులు చెప్పారు. తమ పాఠశాలలోకి పాములు, కొండచిలువలు రాకుండా ప్రహరీగోడ నిర్మించాలని విద్యార్థులు కోరుతున్నారు.