మృగాళ్ల‌ను శిక్షించేందుకు క‌ఠిన చ‌ట్టాలు అవ‌స‌రం
మ‌హిళ‌ల‌పై దురాగ‌తాల‌కు ఒడిగ‌డుగుతున్న మాన‌వ మృగాళ్ల‌ను శిక్షించేందుకు క‌ఠిన చ‌ట్టాలు తీసుకురావాల్సిన అవ‌స‌రం ఎంతో ఉంద‌ని చిల‌క‌లూరిపేట శాస‌న‌స‌భ్యురాలు విడ‌ద‌ల ర‌జిని తెలిపారు.
హైద‌రాబాదులో ప్రియాంకరెడ్డిపై అత్యాచారం, దారుణ హ‌త్య ఘ‌ట‌న‌ను నిర‌సిస్తూ చిల‌కలూరిపేటలో ఎమ్మెల్యే ఆధ్వర్యంలో ఏఎంజీ విద్యార్థినులు, మ‌హిళ‌లు కొవ్వొత్తుల‌తో శాంతి ర్యాలీ నిర్వ‌హించారు.
చిల‌క‌లూరిపేట ప‌ట్ణంలోని వైఎస్సార్ కాంగ్రెస్‌ పార్టీ కార్యాల‌యం నుంచి న‌ర‌స‌రావుపేట సెంట‌ర్ మీదుగా గాంధీ విగ్ర‌హం వరకు ర్యాలీ నిర్వ‌హించారు. ఈ సంద‌ర్భంగా ఎమ్మెల్యే మాట్లాడుతూ ప్రియాంక‌రెడ్డి హ‌త్య అత్యంత దారుణ‌మ‌న్నారు. నిందితులకు ప్ర‌జా కోర్టులో శిక్ష విధించాల‌ని కోరారు.
ఈ సంద‌ర్భంగా కొవ్వొత్తుల‌తో శాంతి ర్యాలీ నిర్వ‌హించారు. ప్రియాంక రెడ్డి చిత్ర‌ప‌టాల‌తో ర్యాలీ సాగింది. గాంధీ బొమ్మ వరకు ర్యాలీ చేప‌ట్టారు. కొద్దిసేపు మౌనం పాటించారు. ప్రియాంక రెడ్డి చిత్ర‌ప‌టాల‌కు పూల‌మాల‌లు వేసి నివాళుల‌ర్పించారు. ఈ కార్య‌క్ర‌మంలో ఎమ్మెల్యే వెంట పార్టీ నాయ‌కులు, ఏఎంజీ విద్యార్థినులు, ప‌లువురు మ‌హిళ‌లు పాల్గొన్నారు.
