వెలుగొండ ప్రాజెక్టును గెజెట్ లో చేర్చండి, కేంద్ర మంత్రికి టీడీపీ విన‌తి
కేంద్రం ఆంధ్ర‌ప్ర‌దేశ్ లోని వెలుగొండ ప్రాజెక్ట్ ను తమ ప‌రిగ‌ణ‌లోకి తీసుకోవాల‌ని, దానికి గెజెట్ నోటిఫికేష‌న్ చేయాల‌ని టీడీపీ నాయ‌కులు విజ్ణ్న‌ప్తి చేశారు. కేంద్ర జలశక్తి మంత్రి గజేంద్ర సింగ్ షెకావత్‌ని కలిసి విన‌తి ప‌త్రం స‌మ‌ర్పించారు. ప్రకాశం, నెల్లూరు జిల్లాల తెలుగుదేశం పార్టీ శాసనసభ్యలు, మాజీ శాసనసభ్యలు, నాయకుల బృందం ఢిల్లీలో కేంద్ర మంత్రిని క‌లిశారు. వెలుగొండ ప్రాజెక్టు సమస్యపై కేంద్ర మంత్రిని కలిసిన బృందం అక్క‌డి సాధ‌క‌బాధ‌కాల‌ను ఆయ‌న‌కు వివ‌రించారు.
వెలుగొండ ప్రాజెక్టును తక్షణమే అనుమతి పొందిన ప్రాజెక్టుగా కేంద్ర గెజిట్‌లో చేర్పించాలని కేంద్ర మంత్రిని కోరారు. ప్రకాశం, నెల్లూరు జిల్లా తెలుగుదేశం పార్టీ బృందం అక్క‌డి పరిస్థితిని వివ‌రిస్తూ, ప్రకాశం జిల్లా కరువు పరిస్థితిని, జిల్లా నైసర్గిక స్వరూపాన్ని, వెలుగొండ ప్రాజెక్టు ప్రాధాన్యతను సవివరంగా కేంద్రమంత్రికి తెలిపింది. దీనిపై కేంద్ర మంత్రి సానుకూలంగా స్పందించార‌ని తెదేపా బృందం తెలిపింది.
