గురువారం, 28 మార్చి 2024
  1. వార్తలు
  2. తెలుగు వార్తలు
  3. తెలుగు వార్తలు
Written By
Last Updated : శుక్రవారం, 15 మార్చి 2019 (14:18 IST)

మతిస్థిమితం లేని మనవరాలిపై అత్యాచారం.. గర్భవతి...

సభ్యసమాజం తలదించుకునే ఘటన ఒకటి ఆంధ్రప్రదేశ్ రాష్ట్రంలోని కర్నూలు జిల్లా కోవెలకుంట్ల మండలంలో జరిగింది. 60 యేళ్ల వృద్ధుడు కామంతో కళ్లుమూసుకునిపోయి 16 యేళ్ళ బాలికపై అత్యాచారానికి పాల్పడ్డాడు. ఇంతకీ ఈ బాలిక మతిస్థిమితం లేని యువతి. పైగా ఆ వృద్ధుడుకి మనవరాలి వరుస. తాజాగా వెలుగులోకి వచ్చిన ఈ వివరాలను పరిశీలిస్తే, 
 
మండలంలోని ఎం.ఉప్పలూరు గ్రామానికి చెందిన జి.పుల్లయ్య (60) వరుసకు మనవరాలు అయ్యే ఓ యువతి (16)పై కన్నేశాడు. మతిస్థిమితం లేకపోవడంతో ఆ బాలికను దగ్గరకు చేరదిస్తూ వచ్చాడు. ఈ క్రమంలో ఆ బాలికపై పలుమార్లు అత్యాచారానికి పాల్పడ్డాడు. 
 
ఈ నేపథ్యంలో ఆ బాలిక ఇటీవల అనారోగ్యానికి గురైంది. దీంతో ఆమె కుటుంబ సభ్యులు ఆసుపత్రికి తీసుకెళ్లారు. అక్కడ యువతిని పరీక్షించిన వైద్యులు ఆమె ఆరో నెల గర్భవతి అని తేల్చారు. దీంతో కుటుంబ సభ్యులు నిలదీయగా తానే లైంగికదాడికి పాల్పడ్డానని పుల్లయ్య అంగీకరించాడు. 
 
ఆ తర్వాత కుటుంబ సభ్యులు ఇచ్చిన ఫిర్యాదుతో కేసు నమోదుచేసిన పోలీసులు నిందితుడిని అరెస్ట్ చేసి కోర్టు ముందు హాజరుపరిచారు. అనంతరం న్యాయమూర్తి ఆదేశాలతో రిమాండ్‌కు తరలించారు. యువతిని వైద్య పరీక్షల కోసం కర్నూలు ప్రభుత్వ ఆసుపత్రికి తరలించారు.