66 ఏళ్ల వృద్ధుడు 13 ఏళ్ల బాలికను గర్భవతిని చేసాడు

అతని వయస్సు 66 యేళ్ళు. మనవరాలు వయస్సున్న మైనర్ బాలికపై కన్నేశాడు. ఆమెకు మాయమాటలు చెప్పాడు. నువ్వంటే ఇష్టమని, ప్రాణమని నమ్మబలికాడు. ఆ మాటలను నమ్మేసింది మైనర్ బాలిక. 

ఆ వృద్ధుడికి సర్వస్వం అర్పించింది. పలుమార్లు అదే విధంగా మాయమాటలతో ఆమెతో శారీరక వాంఛను తీర్చుకున్నాడు వృద్ధుడు. చివరకు ఆ మైనర్ బాలికను గర్భవతిని చేశాడు. అనంతపురం జిల్లా తనకల్లు మండలం కుంటమరువ గ్రామంలో ఈ దారుణం జరిగింది. 

కామంతో కళ్ళుమూసుకుపోయిన మౌలాలి అనే వృద్ధుడు ఈ దారుణానికి పాల్పడ్డాడు. తన ఇంటికి సమీపంలో ఉన్న 13 యేళ్ళ మైనర్ బాలికతో గత సంవత్సరంగా పరిచయంతో ఉన్న మౌలాలి ఇలా చేశాడు. 

వయస్సు పైబడిన వృద్ధుడని తల్లిదండ్రులకు అనుమానం రాలేదు. ఆ మైనర్ బాలికను తన ఇంటికి తీసుకెళ్ళి పలుమార్లు అత్యాచారానికి పాల్పడ్డాడు. మైనర్ బాలిక ఇప్పుడు మూడోనెల గర్భవతి. తమ బిడ్డ జీవితం నాశనం చేసిన వృద్ధుడిపై పోలీసులకు ఫిర్యాదు చేశారు. నిందితుడిని పోలీసులు అదుపులోకి తీసుకున్నారు.