రోడ్డు ప్ర‌క్క‌న టిఫిన్ చేసి అందరినీ ఆశ్చర్యపరచిన మంత్రి
ప‌శ్చిమ నియోజ‌క‌వ‌ర్గం ప‌ర్య‌ట‌న‌లో భాగంగా బుధవారం 34వ డివిజ‌న్‌ ఎర్రకట్ట డౌన్ లోని వై.ఎస్.ఆర్ విగ్రహం వద్ద నుంచి మంత్రి వెల్లంపల్లి శ్రీనివాసరావు పలు ప్రాంతాలు ప‌ర్య‌టించారు. స్థానికుల‌ను సమస్యలు అడిగి తెలు‌సుకున్నారు.
cwc గోడ‌ౌను వద్ద 1 కోటి 8 ల‌క్ష‌ల రూపాయ‌ల‌తో సిసి రోడ్డు నిర్మాణానికి సాంకేతిక ఇబ్బందుల విష‌యంలో న‌గ‌ర పొలీస్ క‌మిష‌న‌ర్‌తో న‌గ‌ర పాల‌క సంస్థ అధికారులు మ‌ట్లాడుకుని స‌మ‌స్య ప‌రిష్క‌రించుకుని.. ర‌హ‌దారి ప‌నులు త‌ర్వ‌గా ప్రారంభించాల‌న్నారు.
అదేవిధంగా గుంట కాల‌నీలో 7 ల‌క్ష‌ల రూపాయ‌ల‌తో సిసి రోడ్డు ప‌నుల‌ను ప్రారంభించాల‌ని అధికారుల‌ను ఆదేశించారు. అంజీ అంటూ పలకరించి, చిన్ననాటి మిత్రుల‌ను ఆశ్చర్యపరిచారు మంత్రి.
లోట‌స్ అపార్టుమెంట్ వద్ద త‌న చిన్ననాటి మిత్రుల‌ను, అంజీ టిఫ‌న్ సెంట‌ర్ యజమాని అంజీని సరదాగా సంభాషిస్తూనే గౌరవించి, ప్రేమగా పలకరించి, రోడ్డు పక్కనే నిలబడి టిఫిన్ చేయడం మంత్రి హుందాతనానికి, లోతైన ప్రేమకు నిదర్శనం.
