1. వార్తలు
  2. తెలుగు వార్తలు
  3. తెలుగు వార్తలు
Written By జెఎస్కే
Last Modified: విజ‌య‌వాడ‌ , గురువారం, 26 ఆగస్టు 2021 (09:59 IST)

ట్రాఫిక్ కానిస్టేబుల్ నిజాయితీ, రూ. లక్ష విలువైన బ్యాగ్ అప్పగింత

ట్రాఫిక్ కానిస్టేబుల్ త‌న నిజాయితీని ప్ర‌ద‌ర్శించాడు. ల‌క్ష రూపాయ‌ల విలువైన వ‌స్తువుల‌న్న బ్యాగు పోగొట్టుకున్న వారికి అప్పగించాడు.
 
విజయనగరం పట్టణం లయన్స్ క్లబ్ వద్ద రోడ్డు పైన ట్రాఫిక్ కానిస్టేబుల్ పి.సురేష్ కి ఆగస్టు 25న ఒక హ్యాండ్ బ్యాగ్ దొరికింది. దానిని పరిశీలించగా, బ్యాగులో ఒక తులం బంగారం హారం, 16 తులాల వెండి పట్టీలు, రూ. 4 వేలు నగదు, రూ. 10 వేలు విలువైన మొబైల్, ఎటిఎం కార్డులు, మొత్తం ఒక లక్ష రూపాయ‌ల విలువైన వస్తువులున్నాయి.

ఈ విషయాన్ని ట్రాఫిక్ డిఎస్పీకి తెలిపి, వారి ఉత్తర్వులు మేరకు విచారణ చేసి, సదరు హ్యాండ్ బ్యాగు రాజీవ్ నగర్ కాలనీలో నివాసం ఉంటున్న సోషల్ వెల్ఫేర్ డిపార్టుమెంటు లో జూనియర్ సహాయకులుగా పని చేస్తున్న ప్రవీణ్ కుమార్ భార్యదిగా గుర్తించారు. ఆ బ్యాగును వారికి ట్రాఫిక్ కానిస్టేబుల్ సురేష్ అప్పగించాడు.