కరుణాకర్ రెడ్డి ఫోన్ ట్యాప్ చేశారా... అందుకే నోటీసులా...?
కరుణాకర్‌రెడ్డి తుని ఘటనలో ఉన్నారన్న విషయం చర్చనీయాంశంగా మారింది. ఆ తరువాత సిఐడీ విచారణలో కరుణాకర్ రెడ్డే వెనుక నుండి స్కెచ్‌ వేశారని నిర్ణయానికి వచ్చారు. దీంతో తిరుపతి ప్రెస్‌క్లబ్‌లో మీడియా సమావేశం జరుగుతుండగా నోటీసులు అందించారు.
కరుణాకర్‌రెడ్డి తుని ఘటనలో ఉన్నారన్న విషయం చర్చనీయాంశంగా మారింది. సిఐడీ విచారణలో కరుణాకర్ రెడ్డే వెనుక నుండి స్కెచ్‌ వేశారని నిర్ణయానికి వచ్చారు. దీంతో తిరుపతి ప్రెస్‌క్లబ్‌లో మీడియా సమావేశం జరుగుతుండగా నోటీసులు అందించారు. ఈ నెల 6వ తేదీ కోర్టుకు సిఐడీ కార్యాలయానికి హాజరు కావాలని నోటీసులు ఇచ్చారు. మూడురోజులుగా కరుణాకర్‌రెడ్డిని కలిసేందుకు సిఐడీ అధికారులు ప్రయత్నిస్తే చివరకు తిరుపతి ప్రెస్‌క్లబ్‌లో దొరికారు కరుణాకర్‌రెడ్డి.
కరుణాకర్ రెడ్డి పక్కా ప్లాన్‌ గీసి ముద్రగడ పద్మనాభంకు ఇచ్చినట్లు ప్రచారం జరుగుతోంది. రైలును తగులబెట్టడం, విధ్వంసం చేసి ప్రజలను భయబ్రాంతులకు గురి చేయడం. ఇదంతా అప్పట్లో పెద్ద సంచలనమే సృష్టించింది. అంతేకాదు ప్రభుత్వం కూడా ఈ విషయాన్ని సీరియస్‌‌గా తీసుకుంది. హోంమంత్రి చినరాజప్ప దీని వెనుక ఎవరున్నా వారిని కఠినంగా శిక్షిస్తామని తెలిపారు. అనుకున్న విధంగానే సిఐడీ అధికారులకు అప్పజెబితే ప్రస్తుతం చివరకు కరుణాకర్ రెడ్డి మెడకు వచ్చి చుట్టుకుంది. కరుణాకర్ రెడ్డితో పాటు మరో 20మంది ఇందులో విచారించేందుకు గుంటూరులోని సిఐడీ కార్యాలయానికి రావాలని నోటీసులు జారీ చేశారు.
కరుణాకర్ రెడ్డే ఈ ఘటనకు సూత్రధారి అని పక్కా ఆధారాలను కూడా సీఐడీ అధికారులు సేకరించినట్లు తెలుస్తోంది. కరుణాకర్‌రెడ్డి ఫోన్‌ను ట్యాప్ చేశారనీ, దానితోనే మరికొన్ని ఆధారాలు లభించినట్లు చెప్పుకుంటున్నారు. పక్కా ఆధారాలు ఉండడంతోనే మొదటగా కరుణాకర్‌రెడ్డినే సిఐడీ అధికారులు విచారించనున్నారు.
