హెర్బల్ బాత్ పౌడర్‌ ఇంట్లోనే ఎలా చేయాలంటే?

Ayurvedic Herbal Bath Powder

హెర్బల్ బాత్ పౌడర్‌ ఇంట్లోనే ఎలా చేయాలో చూద్దాం. బాడీ వాష్ కోసం కెమికల్ ఉత్పత్తులను ఉపయోగించకుండా, యాంటీ -ఏజింగ్ లక్షణాలు గల హెర్బల్ బాత్ పౌడర్‌ను ఉపయోగించాలని ఆయుర్వేద నిపుణులు చెప్తున్నారు. ఈ పౌడర్‌ని రోజూ ఉపయోగించడం వల్ల చర్మం చాలా మృదువుగా మారుతుంది. ఈ బాత్ పౌడర్ 3 సంవత్సరాల కంటే ఎక్కువ వయస్సు ఉన్న పిల్లలకు ఉపయోగించవచ్చు.

ఈ హెర్బల్ బాత్ పౌడర్ ముఖంపై వున్న జుట్టును తొలగిస్తుంది. చర్మాన్ని మృదువుగా చేస్తుంది. మొటిమలను తొలగిస్తుంది. సన్ టాన్‌ను తొలగిస్తుంది.

కావలసిన పదార్థాలు 

ముడి పెసరపప్పు -ఒక కప్పు

శెనగపప్పు - ఒక కప్పు  

నారింజ తొక్క - ఒక కప్పు 

గులాబీ రేకులు - ఒక కప్పు  

వట్టివేరు - ఒక కప్పు  

బాదం - ఒక కప్పు  

తంగేడు పువ్వులు- అర కప్పు

మెంతులు-  ఒక కప్పు

తయారీ ఎలా?

అన్ని పదార్థాలను 4 గంటలు ఎండలో ఆరబెట్టాలి.

దీన్ని మెత్తగా పొడి చేసి జల్లెడ పట్టాలి.

చల్లారిన తర్వాత గాలి చొరబడని డబ్బాలో భద్రపరుచుకోవాలి.

ఎలా ఉపయోగించాలి.. 

పొడిని అవసరమైన పరిమాణంలో తీసుకోండి.

పేస్ట్ చేయడానికి కొద్దిగా నీరు కలపండి. 

సబ్బుకు బదులుగా ఈ పేస్ట్‌ని ఉపయోగించండి.

పొడి చర్మం కోసం పొడిని నీరు / పెరుగు / పాల మీగడ / పాలు కలుపుకోవచ్చు. 

ఆయిల్ స్కిన్ కోసం పొడిని తేనె/నీటితో కలిపి చర్మానికి రాసుకోవచ్చు. 

ఈ పొడిని స్క్రబ్బర్‌గా కూడా ఉపయోగించవచ్చు.

అంతేగాకుండా ముఖానికి ఫేస్ ప్యాక్‌గానూ ఉపయోగించవచ్చు.