హమ్మయ్య.. దిగొచ్చిన వంట నూనెల ధరలు
నిత్యావసర సరుకులపై సుంకాన్ని తగ్గిస్తూ కేంద్రం నిర్ణయం తీసుకుంది. ఈ నేపథ్యంలో నిత్యావసర ధరలు కాస్త ఉపశమనం కలిగించాయి. తాజాగా ఆయిల్ ధరలపై సాల్వెంట్ ఎక్స్‌ట్రాక్టర్స్ అసోసియేషన్ ఆఫ్ ఇండియా ప్రెసిడెంట్ అతుల్ చతుర్వేది స్పందించారు.
ప్రధానంగా దిగుమతి సుంకాలు తగ్గడం వల్ల గత నెలలో ఎడిబుల్ ఆయిల్ ధరలు కిలోకు రూ. 8-10 తగ్గాయి. దేశీయంగా నూనె గింజల ఉత్పత్తి ఎక్కువగా ఉండటంతో రాబోయే నెలల్లో రూ. 3-4/కిలో తగ్గవచ్చని నిపుణులు భావిస్తున్నారు.
దీపావళికి ముందే సీఈఏ తన సభ్యులకు ధరలను సాధ్యమైనంత వరకు తగ్గించాలని సూచించినట్లు అతుల్ చతుర్వేది గుర్తు చేశారు. ఈ మేరకు ఎడిబుల్ ఆయిల్స్‌పై దిగుమతి సుంకాలను కూడా కేంద్రం తగ్గించిందన్నారు. ఈ చర్యల వల్ల గత 30 రోజుల్లో కిలోకు దాదాపు రూ.8-10 వరకు చమురు ధరలు తగ్గడం చాలా హ్యాపీగా వుందన్నారు.
దేశంలో సోయాబీన్ పంట 120 లక్షల టన్నులు, వేరుశనగ పంట 80 లక్షల టన్నులకు మించి ఉండడంతో ఎడిబుల్ ఆయిల్ ధరలు అదుపులోనే ఉంటాయని చతుర్వేది చెప్పారు.
